అంకురం

జగన్ ఏం తప్పు చేసాడు?

2011-08-22T17:02:00.000+05:30

వై.యస్.జగన్! ఈ పేరు తెలియని వ్యక్తి బహుశా ఇప్పుడు భారతదేశంలో ఉండడేమో! ఒక మాజీ ముఖ్యమంత్రి కొడుకుగా, ఒక రాజకీయపార్టీ అధినేతగా లక్షలాది అభిమానులను సంపాదించుకున్న జగన్ చేసిన తప్పేంటి?2004లో 9 లక్షల ఆదయపన్ను కట్టినవ్యక్తి ఆరేళ్ళలో 70 కోట్ల ముందస్థు పన్ను చెల్లించేంతగా ఎదగడం నేరమా!? ఇంకా చెప్పడం కష్టం గాని.. పాయింటుకొద్దాం.

దేశమంతా పాకిన అవినీతి వ్యతిరేక ఉద్యమం పాలకవర్గాల్లో ప్రకంపనలు సృష్టిస్తోంటే ఆంధ్రప్రదేశ్లో మాత్రం మరో ఉద్యమం పాలకవర్గాన్ని భయపెడుతోంది. అదే జగన్ సృష్టిస్తోన్న "CBI విచారణా వ్యతిరేక ఉద్యమం". సిగ్గు ఎగ్గూ లేకుండా దోచుకుతిన్న వేల కోట్ల రూపాయలమీద విచారణ ఓ పక్క కొనసాగుతుండగా వెనుకనున్న మరో ముప్పై మంది పనికిమాలిన శాసనసభ్యులని వెనకేసుకొని జగన్ చేస్తోన్న ఈ దరిద్రపు ఉద్యమం మన ప్రజాస్వామ్యపు దౌర్భాగ్య స్థితిని తెలియపరుస్తోంది. అధికారదాహంతో విలవిలలాడుతున్న ఈ యువరాజు కులపిచ్చిని, మతమౌడ్యాన్ని ఉపయోగించుకోవడంలో దిట్ట. సంక్షేమ కార్యక్రమాలపేరుతో ప్రజలకి ఎరవేసి తండ్రీకొడుకులు విస్తరించుకున్న సామ్రాజ్యానికి బీటలువాలుతున్న సందర్భంలో జగన్ చేస్తున్న ఈ దరిద్రపు ఉద్యమం ఎంతవరకు ప్రభావం చూపుతుందో వేచి చూడాలి.

తనవర్గం సభ్యులతో రాజీనామా చేయించి ఆడుతున్న నాటకంలో జగన్ విజయం సాధిస్తాడా!? ఒకవేల ఈ 29 స్థానాలలో మెజారిటీ స్థానాలను జగన్ గెల్చుకుంటే ఈ ప్రభుత్వం ఖచ్చితంగా రోజులు లెక్కపెట్టాల్సి వస్తుంది. రాజీనామాలు చేసిన తర్వత 2,3 నెలల్లో ఉప ఎన్నికలు వచ్చే అవకాశం ఉంది. ఈ లోపు జరగబోయే పరిణామాలు ఎలా ఉంటాయో ఓ సారి చూద్దాం.

CBI ఖచ్చితంగా జగన్ ని దోషిగా నిలబెడుతుందనే నమ్మకం ప్రజలకి, ఆయన వ్యతిరేకులకి ఉంది. ఈ రెండు నెలల్లో విచారణ ముగిస్తే జగన్ కి కష్టాలు తప్పవు. అప్పుడు ఆ అరెస్టు పరిణామాలు ఖచ్చితంగా జగన్ ఓటమికి కారణమవ్వాలి. కాని దీన్ని జగన్ సెంటిమెంటుకోసం కూడా వాడూకోనే చాన్స్ ఉంది. హజారే అవినీతి వ్యతిరేక ఉద్యమానికి మద్దతిస్తోన్న అన్ని పార్టీలు విభేదాలను మర్చి ఈ ఎన్నికల్లో అవినీతి కంపు అంటని ఒక యువకుడిని ఉమ్మడి అభ్యర్ధిగా నిలబెట్టి వాటి చిత్తశుద్ధిని నిలబెట్టుకోవాలి. పౌరసమాజం కూడా తమ ఉద్యమం అవినీతికి వ్యతిరేకంగానే గాని రాజకీయానికి వ్యతిరేకంకాదని గ్రహించి ఎన్నికలలో పోటీ చేయాలి. అప్పుడు ఖచ్చితంగా అవినీతికి నీతికి మధ్య పోరాటంగా ప్రజలలో ఒక అభిప్రాయాన్ని ఏర్పరచవచ్చు.

ఈ శతాబ్ధంలో కూడా జగన్ లాంటి వెదవలు ప్రజల్ని పట్టి పీడుస్తున్నారంటే ఆ తప్పు ఖచ్చితంగా ప్రజలదే! మీ కులమనో లేక మతమనో ఓట్లు వేయడం మాని, ఒక మంచి పార్టికో, ఆదర్శవంతుడైన వ్యక్తికో ఓటు వేస్తే దాదాపు సగం అవినీతిని అంతమొందించొచ్చు. వై.యస్ అభిమానులు దయచేసి జగన్ లాంటి అవినీతి సామ్రాట్టుకి మద్దతివ్వడం ఇప్పటికైనా మానాలి. అందరూ అవినీతిపరులే అంటూ జగన్ ని సమర్ధించడమంటే మనల్ని మనం మోసం చేసుకోవడమే!

సరే, మళ్ళీ పాయింటుకొద్దాం. ఇంతకూ జగన్ చేసిన తప్పేంటి? ఈ ప్రశ్నకు సమాధానం తెలియని వాళ్ళు ఆంధ్రప్రదేశ్లో మచ్చుకి ఒక్కరు కూడా కనిపించరు., కకపోతే తెలిసి కూడా అంగీకరించలేణి మూర్ఖులు మాత్రం లక్షల్లో కనిపిస్తారు. ఆ లక్షల జనమే జగన్ దోచిన లక్ష కోట్లకి శ్రీరామరక్ష!

ఒక ప్లాంట్, రెండు ఉద్యమాలు

2011-03-17T12:18:00.005+05:30

కాకరాపల్లిలో కడుతున్న ఈస్ట్ కోస్ట్ ఎనర్జీ ప్లాంటుకి వ్యతిరేకంగా పోరాడుతున్న ఇద్దరు ఉద్యమకారులను పోలీసులు, ప్రభుత్వము పొట్టనపెట్టుకున్న సంగతి మనకి తెలిసిందే! ప్రజా పోరాటాలను ప్రభుత్వాలు ఎంత నీచంగా అణిచివేస్తాయో శ్రీకాకుళం పోరాటాలను చూస్తే అర్ధమవుతుంది. ఉవ్వెత్తున ఎగసి పడిన శ్రీకాకుళ సాయుధ పోరాటాన్ని ఊచకోతలతో అణచివేసిన ప్రభుత్వం, ఇప్పుడు అదే ఆయుధాన్ని శాంతియుత ఉద్యమకారుల మీద కూడా ప్రయోగిస్తోంది. ఇది మరో సాయుధ పోరాటానికి దారితీసినా ఆశ్చర్యపోవాల్సిన అవసరం లేదు. అణచివేత ఎంత ఎక్కువగా ఉంటే ప్రజల్లో విప్లవకాంక్ష అంత బలంగా పెరుగుతుంది. ఇప్పటికే ఐదుగురిని పొట్టనపెట్టుకున్న ప్రభుత్వం మరింతమందిని జాడ లేకుండా చేసింది. అదే సమయంలో ప్లాంటు యాజమాన్యం ఉద్యమాన్ని దొంగదెబ్బ తీయడానికి ప్రయత్నిస్తోంది. దాదాపు ఎవరికీ తెలియని ఈ విషయాన్ని ఈ రోజు తెల్సుకుందాం.

చోటా, బడా నేతల ధన దాహాన్ని ఆసరా చేసుకుని ప్లాంటు యాజమాన్యం ఉద్యమాన్ని దొంగ దెబ్బ కొట్టడానికి ప్రయత్నిస్తోంది. కాకరాపల్లి, వడ్డితాండ్ర మరియు పరిసర గ్రామాల సర్పంచ్ లలో ఒకరు (ఒక రెడ్డి) ఈ ప్లాంటుకి అమ్ముడుపోయిన వైనాన్ని స్వయంగా ఆ ప్లాంటులో కాంట్రాక్టు పనులు తీసుకున్న ఒక వ్యక్తి వివరించగా తెల్సుకున్నాను. ప్లాంటు చేస్తున్న అన్యాయాల గురించి నేను చెబుతుండగా జనం మాత్రం తక్కువ తిన్నారా అంటూ సదరు నాయకుని గురించి ఆ వ్యక్తి నిజం కక్కేసాడు. ఒక పదిమందిని వెంటేసుకుని తిరిగే ఒక గ్రామ సర్పంచుని అడ్డు పెట్టుకుని వాళ్ళు పనులు ఎలా కానిస్తున్నది కళ్ళకు కట్టినట్లు వీవరించాడు. ఆ వివరాలు చూద్దాం .

"పంటలు పండే తడినేలలలో ప్లాంటు కడితే ఎలా? భూములు కోల్పోయిన ఆ పేద రైతులు తర్వాత కూలి పనులు చేసుకు బ్రతకాలా" అని అడిగాన్నేను.
"భూములు కోల్పొతేనేం? ఉద్యోగాలు వస్తాయిగా!" అన్నాడు ఆ సివిల్ ఇంజినీర్ (కాంట్రాక్టర్ కూడా).
"చదువురాని రైతులకు ఏం ఉద్యోగాలు ఇస్తారేంటి" అని అడిగితే పాపం సమాధానం లేదు.
"కాకినాడలోని GMR విద్యుత్కేంద్రాన్ని అతి కొద్దిమందితోనే (మొత్తం ప్లాంటుని పదిమందికన్నా తక్కువమందితోనే నడిపించొచ్చని అక్కడ ట్రైనింగ్ తీసుకున్న నా స్నేహితులు చెప్పారు) నడుపుతున్నప్పుడు మీ ప్లాంటులో వందలు, వేలు ఉద్యోగాలు వస్తాయని ఎలా నమ్మబలుకుతున్నారు?" అని అడిగా.. మళ్ళి సమాధానం లేదు.
"మరి ఉద్యోగాలు లేక, పంటలు పండక పేద రైతు కూలీగా మారతున్నపుడు ప్లాంటు వ్యతిరేకించకుండా ఏం చేస్తాడు?" అంటే "వాళ్ళు మాత్రం తక్కువ తిన్నారా? ఒక గ్రామ సర్పంచ్ ఉన్నాడు, పనులు చేయించుకోవాలంటే డబ్బులు అడుగుతాడు.. అలా డబ్బులు ఇచ్చాక ఫార్మాలిటీ కింద మా వాహనాలని ఒక పది నిమిషాలు అడ్డుకుని ఫొటోలు తీయించుకుని (పేపర్ వాళ్ళతో) వదిలేస్తాడు" అని... "అంటే అతన్ని అడ్డు పెట్టుకొని పనులు కానిస్తున్నారా!?" అని అడిగిటే.. "అంతేగా!" అని సమాధానం వచ్చింది.
"అసలు కొన్ని రోజుల క్రితం కొన్ని కోట్లు ఇచ్చి అతనితో ఒక ఒప్పందానికి ప్లాంటు యాజమాన్యం వచ్చిందని , అది ఫలప్రదం అయ్యేలోగా ఈ కాల్పుల సంఘటన జరిగిందని, ఇదంతా బ్లాక్మెయిల్ రాజకీయమని" చెప్పాడు.
"మరి మొన్న జరిగిన కాల్పుల సంఘటనలో, ఆ నాయకుని అనుచరులెవరైనా చనిపోవడం గాని, గాయప్డటం గాని జరిగిందా?"
"లేదు"
"అసలు ఆ సమయంలో వారు అక్కడున్నారా?"
"అక్కడెందుకు ఉంటారు?"
"అంటే అక్కడ రెండు ఉద్యమాలు ఉన్నాయన్నమాట! ఒకటి ప్రజలు స్వచ్చందంగా చేస్తోంది, రెండోది ప్లాంటు యాజమాన్యం చేతిలో నడుస్తున్నది(అమ్ముడుపోయినది), అంతేనా?"
"అంతేగా.. ఈ రోజుల్లో పనులు జరగాలంటే ఇలానే చేయాలి" అన్నాడు.
"మరి ఉద్యమమంతా అలానే ఉందని ఎలా అంటారు? ఒక పదిమందిని వెనకేసుకు తిరిగితే ఉద్యమం అయిపొతుందా, ఆ పదిమందితో వీళ్ళనెలా పోల్చగలరు? కొన్ని వందలరోజులుగా దీక్షలు, నిరాహార దీక్షలు చేస్తోంది ప్రజలేగాని ఈ అమ్ముడుపోయినవాళ్ళు కాదుగదా!?" అని అడిగితే.. మరి అక్కడ సమాధానం లేదు.

ఇంత నీచానికి కూడా ఈ ప్లాంటు యాజమాన్యం దిగజారిందంటే అసలు ఏమనుకోవాలొ అర్థం కాలేదు. చిత్తడి నేలలలో, విదేశీ వలస పక్షుల కేంద్రానికి అతి దగ్గరలో అటు పర్యావరణాన్ని, ఇటు పేద రైతుల, మత్స్యకారుల ఉపాధిని చెడగొడుతున్న ఈ ప్లాంటు ఎవరికవసరం??

ఈ రోజు ఆంధ్రజ్యోతిలో పవర్ గ్రిడ్ విడుదల చేసిన వివరాలు ఇలా ఉన్నాయి. రాష్ట్రంలో ఫిబ్రవరి నెలలో విద్యుత్ లోటు కేవలం 0.2 శాతం (18 మెగావాట్లు), అదే ఏప్రిల్ నెలలో అయితే అది 6.5 శాతంగా ఉంది(786 మెగావాట్లు). మే నెల వివరాలు ఇక్కడ అందించలేదు, వేసవి కాలం కబట్టి మే నెలలో లోటు 10 శాతం లేదా 1000 మెగావాట్లు అనుకుందాం. కానీ మనం సరఫరాలోనే దాదాపు 30 శాతం వరకు నష్టపోతున్నాం. అంటె ప్రస్తుతానికి మనకి అవసరానికి సరిపడా విద్యిదుత్పత్తి జరుగుతున్నా సరఫరా నష్టాల వలన గ్రామాలకు, వేసవిలో పట్టణాలకు కూడ కోతలు విధించాల్సి వస్తోంది. అత్యధిక డిమాండ్ ఉన్నప్పుడు కావల్సిన విద్యుత్ 12వేల మెగావాట్లే. కానీ ఇప్పుడు శ్రీకాకుళం ఒక్క జిల్లాలోనే ఇంతకుమించి సామర్ధ్యంతో ప్లాంటులు వెలుస్తున్నాయి. ఇదంతా భవిష్యత్తుని దృష్టిలో పెట్టుకుని చేస్తోందని అనుకోగలమా? ప్రభుత్వం సరఫరా లోపాలను అరికట్టి దానిని 10శాతానికి తీసుకురాగలిగిన మనమంతా 24 గంటలు విద్యుత్తుని సంవత్సరం పొడుగునా అందుకోగలము. ఇదే సమయంలో సాంప్రదాయ వనరులని, తిరిగి వాడుకోగల వనరులైన గాలి, సూర్యరశ్మి ద్వారా విద్యుత్ ఉత్పత్తిని ప్రోత్సహించి మనం మరింత విద్యుత్ ని పొందవచ్చు.

ఇవేమీ చేయకుండా ప్రభుత్వం "గ్రీన్ ఎనర్జీ" పేరుతో అణువిద్యుత్ కేంద్రాలను నిర్మించడానికి తాపత్రయపడుతోంది. అమెరికాకి ఊడిగం చేయడానికి ఉపయోగపడే ఈ కేంద్రాలవలన ఎంత ముప్పు పొంచిఉందో బహుసా ఇప్పుడెవరికి వివరించనవసరం లేదు. శ్రీకాకుళం జిల్లా కొవ్వాడలో నిర్మించ తలపెట్టిన 6000MW విద్యుత్కేంద్రంతో ఉత్తరాంధ్ర మొత్తానికి ముప్పు పొంచి ఉంది. ఇంత భారీ కేంద్రానికి 50కిలోమీటర్ల దగ్గరలో పట్టణాలు కూడా ఉండకూడదు కాని శ్రీకాకులం, విజయనగరం, బొబ్బిలి, రాజాం లాంటి పట్టణాలకు అతి చేరువలో విశాఖ నగరానికి 75 కిలోమీటర్లదూరంలో ఏర్పడుతున్న ఈ కేంద్రానికి భవిష్యత్తులో ఏదైనా ముప్పు వాటిల్లితే 170 కిలోమీటర్ల దూరంలో ఉండే జనావాసాల్ని రెండు రోజుల్లో ఖాలీ చేయించాలి. రవాణా వ్యవస్థ, సాంకేతిక వ్యవస్థ పూర్తిగా అభివృద్ది చెందని మనదేశంలో దాదాపు కోటిమందికి పైగా జనాభాని తరలించగలరా? తీవ్ర నష్టాన్ని అరికట్టగలరా?? ఇప్పటికైన ప్రభుత్వం కళ్ళు తెరుస్తుందని ఆశిద్దాం.

అ"థర్మల్" కథ

2011-03-11T12:03:00.001+05:30

ఈ మధ్య కాకరాపల్లిలో జరిగిన కాల్పులు గురించి అందరికీ తెలిసే ఉంటుంది. ఈ థర్మల్ విద్యుత్కేంద్రం చేసే అధర్మాలు తెలుసుకునే ముందు మనకి ఈ థర్మల్ కేంద్రాలు ఎందుకు అనవసరమో, ఇప్పటికిప్పుడు వెల్లువలా ఈ కేంద్రాలు ఎందుకు పుట్టుకొస్తున్నాయో తెల్సుకుందాం.

పెరుగుతున్న జనాభాకి తోడు విద్యుత్ అవసరాలు వాడకం కూడా పెరుగుతుండటంతో ఇప్పుడు విద్యుత్ అత్యంత ఆవశ్యకరమైనదిగా తయారయ్యింది. ఇప్పుడు మనదేశంలో 1,62,000 మెగావాట్ల విద్యుత్ తయారవుతోంది. దీనిలో దాదాపు 60% విద్యుత్ కేవలం థర్మల్ విద్యుత్ కేంద్రాల ద్వారానే ఉత్పత్తి అవుతోంది. మనదేశం 2025 నాటికి ఉత్పత్తిని 8 లక్షల మెగావాట్లకు చేర్చాలని అందులో సగం అంటే దాదాపు 4 లక్షల మెగావాట్లు కేవలం థర్మల్ ద్వారానే సమకూర్చుకోవాలని తన విద్యుత్ విధానంలో టార్గెట్గా పెట్టుకుంది. ఇదిలా ఉండగా మనదేశంలో ఉన్న బొగ్గు నిల్వలు మరో 40 ఏళ్ళలో అంతరించపోనున్నాయి. ఆ తర్వాత మనదేశం బొగ్గు కోసం ఖచ్చితంగా ఇతర దేశాలమీద ఆధారపడక తప్పదు. అందుకు ఇప్పటినుండే మనదేశంలోని బడాబాబులు సిద్ధమైనట్లు తెలుస్తోంది. చాలామంది బడానేతలు వాళ్ళు సంపాదించిన అక్రమాస్తులను విదేశాలకు తరలించి అక్కడ బినామీల ద్వారా దేశంలో పెట్టుబడులు పెడుతున్నారు. విద్యుత్కేంద్రాలకు ప్రభుత్వం ధారాలంగా భూములు, వసతులు కల్పిస్తుండటంతో ఇక్కడ వారు విద్యుత్కేంద్రాలు పెట్టడానికి మొగ్గుచూపుతున్నారు. వీరికి కావల్సిన బొగ్గుకోసం ఏకంగా విదేశాలలో బొగ్గుగనులనే సొంతం చేసుకుంటున్నట్లుగా తెలుస్తోంది.

మన రాష్ట్రంలో అనూహ్యంగా పుట్టుకొస్తున్న ఓడరేవులు, థర్మల్ విద్యుత్కేంద్రాల మీద మీకెప్పుడైనా అనుమానం వచ్చిందా? కోస్టల్ క్యారిడార్ పేరుతో ఏర్పాటవుతున్న వీటి వెనుక బహుసా ఎవరుండొచ్చు? ఇంతకీ ఒక్కసారిగా ఇన్ని ఓడరేవులు పుట్టుకురావడానికి కారణాలేంటి?? విదేశాలలో కొన్న బొగ్గు గనులలోని బొగ్గు ఓడరేవుల ద్వారానే దిగుమతి చేసుకోవాలి, ఇప్పటికే ప్రభుత్వ ఆద్వర్యంలో నడుస్తున్న ఓడరేవుల ద్వారా ఈ పని చేస్తే ప్రభుత్వానికి అధికమొత్తంలో డబ్బు చెల్లించాల్సి ఉంటుంది. అదే కాకుండా ఏర్పాటయ్యే ప్లాంట్ వరకు రవాణా ఖర్చులు కూడా భరించాల్సి వుంటుంది. ఇవన్నీ కాకుండా తామే స్వయంగా ఒక పోర్ట్ పెట్టుకుంటే దిగుమతులను ఇష్టానుసారంగా చేసుకోవచ్చు, అనుకూల ప్రదేశాలలో ప్లాంట్ స్థలాలకు దగ్గరగా పోర్ట్ పెట్టుకోవడం లేక పోర్ట్ స్థలాలకు దగ్గరగా ప్లాంట్ పెట్టుకోవడం లాంటివి చేయొచ్చు. ఖచ్చితంగా ఇదే సూత్రంతో కొస్తా ప్రాంతమంతా థర్మల్ విద్యుత్కేంద్రాలు, ఓడరేవులు ఏర్పాటు అవుతున్నాయి. లేదంటే అసలు బొగ్గు గనులు లేని ప్రాంతంలో కోట్లాది రూపాయిలు రవాణాకి వెచ్చించి ఎవరు ఈ కేంద్రాలు నెలకొల్పలేరు.

నిజానికి మనకి ఇప్పుడు ఉన్నపలంగా లక్షలాది మెగావాట్ల విద్యుత్ అవసరమా? ఒక్కసారి ఈ గణాంకాలని పరిశీలిద్దాం. మన దేశంలో విద్యుత్ లోటు దాదాపు 15% వరకు ఉంది. విద్యుత్ని ఎక్కువగా ఉపయోగించే సమయాలైన ఉదయం మరియు సాయంత్రాలలో ఇది దాదాపు 20 నుండి 25% వరకూ ఉంటోంది. నిజానికి ఇంత విద్యుత్ లోటు ఉన్నపుడు మనకి ఖచ్చితంగా విద్యుత్ అవసరమే. కాని ఈ విద్యుత్ అవసరాలకి మనం అనుసరించాల్సిన మార్గం కేవలం కొత్త విద్యుత్కేంద్రాలు నెలకొల్పడం మాత్రమే కాదు. అన్నింటికన్నా ముఖ్యమైనది సరఫరా లోపాల్ని అరికట్టడం. మనం ఉత్పత్తి చేసే విద్యుత్లో దాదాపు 30% విద్యుత్ సరఫరాలోనే నష్టపోతున్నమంటే నమ్మగలరా!? మన విద్యుత్ వ్యవస్థ ఒక చిల్లులు పడిన బకెట్ మాదిరిగా వుంది. మనం చేస్తున్నదల్లా ఏంటి అంటే ఈ చిల్లులని కప్పకుండా బకెట్ నిండా నీరు ఉండటానికి కొత్తనీరు పోస్తున్నాం. ముందు మనం ఈ బ్రిటీష్ కాలం నాటి అస్తవ్యస్త సరఫరా వ్యవస్థని మెరుగుపరిచి సరఫరా నష్టాలని అరికట్టాలి. విద్యుత్ వినియోగంపై ప్రజలలో చైతన్యం కలిగించి విద్యుత్ వినియోగాన్ని తగ్గించగలగాలి.సరఫరా వ్యవస్థ ఒక్కటే కాదు, ప్రస్థుతం మన దేశంలో ఉన్న చాలా విద్యుత్ కేంద్రాలు సామర్ధ్యం మేరకు పనిచేయట్లేదు. ఒక విద్యుత్ కేంద్ర సామర్థ్యం 1000 మెగావాట్లు అనుకుంటే అది పూర్తి సామర్థ్యంతో పనిచేసిన రోజులు చాల తక్కువగా వుంటాయి. ఉన్న విద్యుత్కేంద్రాల సామర్థ్యం పెంచి వాటిని సామర్థ్హ్యం ఉన్నంతమేరకు పనిచేయించగలిగితే మనకి కొత్త కేంద్రాలతో అవసరం ఏర్పడదు.

అసలు ఈ థర్మల్ విద్యుత్కేంద్రాలవలన ఎవరికి ఎంత ప్రయోజనం ఉంటుందో తెల్సుకుందాం. రాష్ట్రంలో కొత్తగా ఏర్పడుతున్న కేంద్రాలన్ని మర్చంట్ పవర్ ప్లాంటులే. అంటే ఇవి ఉత్పత్తి చేసిన విద్యుత్తులో ఒక్క మెగవాట్టు కూడా మన రాష్ట్రానికి చెందదు, మనం ఈ విద్యుత్ ని బహిరంగ మార్కెట్లో అధిక ధరకి(అందరికన్నా ఎక్కువ ధరకి) కొనుక్కోవల్సి ఉంటుంది, ఇలా కొనుగోలు చేసిన విద్యుత్ ని ప్రభుత్వం ఎంతమాత్రము ప్రజలకి సబ్సిడీ మీద అందించదు. దీనితో ఈ భారం ప్రజలనెత్తి మీదనే పడుతుంది. ఉద్యోగాల కల్పన అంటారా? ఆధునిక సాంకేతికతతో ఈ విద్యుత్కేంద్రాలని అతికొద్దిమందితోనే నడిపే వెసులుబాటు ఉంది. వీటితో వేలాది ఉద్యోగాలు వస్తాయి అని నమ్మడము, వాదించడము కూడా మూర్ఖత్వమే అవుతుంది. ఉన్న కొద్ది ఉద్యోగాలు కూడా చదువురాని, చదువుకోని మత్స్యకారులకో, పేద రైతులకో ఇస్తారనుకోవడం హాస్యాస్పదం. అంటే ఒక రైతు తను సొంత భూమిలో పండించి పదిమందికి తిండిపెట్టే స్థాయి నుండి ఒక కూలీగా బ్రతికే స్థాయికి దిగజారిపోతాడు, వేడినీరు సముద్రంలోకి వదలటం వలన మత్స్య సంపదలేక మత్స్యకారులకు ఉపాధి లేకుండా పోతుంది. కాలుష్యం గురించి ఇక అందరికీ తెలిసిందే. థర్మల్ కేంద్రాలనుండి విడుదల అయ్యే బూడిదను ఉపయోగించడానికి ఇప్పటికీ కూడా మన దగ్గర సరైన ప్రత్యామ్నాయాలు లేవు. దీనితో కిలోమీటర్లమీద వ్యాపించే బూడిదతో ఇటు పంటలు పండక, ఆరొగ్యం పాడై పేదరైతు విలవిలలాడాల్సి వస్తుంది. ఇప్పుడు శ్రీకాకుళంలో ఏర్పడుతున్న విద్యుత్కేంద్రాలన్ని చిత్తడి నేలలలో ఏర్పడుతున్నవే. పంటలు పండే నేలలలో ఏర్పాటు ఏస్తున్న ఈ ప్లాంటుల వలన అక్కడ గ్రామీణులకే కాదు రాష్ట్ర, దేశ ప్రజలెవరికి కూడా ప్రయోజనం లేదు.

అసలు ఎటువంటి ప్రయోజనాలు చేకూర్చని ఇటువంటి ప్లాంటులకు ప్రభుత్వం కొమ్ముకాస్తోందంటే వీటి వెనుక ఎటువంటి బడాబాబులున్నారో అర్థమవుతుంది. వేలమంది పోలీసుల కాపలా వెనుక, కాల్పుల వెనక ఉన్న సత్యం బోధపడుతుంది. ఏది ఏమైనా పేద ప్రజల హక్కులని కాలరాసి, పర్యావరణానికి చెడు చేసే ఇటువంటి ప్రోజెక్టులని వ్యతిరేకించాల్సిన బాధ్యత అందరిమీదా ఉంది.

ఎన్నాళ్ళని మౌనంగా ఉంటాం??

2011-01-31T12:19:00.001+05:30

మన దేశంలో అవినీతి రాజ్యమేలుతుందని అందరికి తెలుసు. కుంభకోణాలు, అక్రమాలు, విలువల్లేని రాజకీయాలు తప్ప ఇంకేమి లేని పరిస్థితిని ప్రస్తుతం చూస్తున్నాం. మరోవైపు ట్యునీషియాలో, ఈజిప్టులో , యెమెన్లో ప్రజలు అవినీతి ప్రభుత్వాల మీద సమరశంఖం పూరించి ప్రభుత్వాలనే కూలదోస్తున్నారు. కొత్త చరిత్రను లిఖిస్తున్నారు. నియంతలను తమ దేశాలనుండి తరిమి తరిమి కొడుతున్నారు. కాని మనం మాత్రం మన ఇళ్లకో కార్యాలయాలకో పరిమితమై ఏమీ పట్టనట్లుగా మన మానాన మనం రోజులు వెళ్ళదీస్తున్నాం. ఎందుకీ నిర్లిప్తత? లక్షల రూపాయల అవినీతికే కేంద్ర మంత్రుల రాజీనామా చేసే పరిస్థితినుండి లక్షల కోట్ల రూపాయలు దోచుకున్నా ఏమీ పట్టని స్థితికి చేరుకున్నాం. ఎక్కడ చూసినా నల్ల డబ్బు గురించే చర్చ.. కాని ఇంకా ఎన్నాళ్ళు చర్చిస్తాం? మన నోళ్ళు విప్పనంతకాలం , కాళ్ళు కదపనంతకాలం ఈ కుళ్ళు రాజకీయం, ఈ అవినీతి సాగుతూనే ఉంటుంది. దేశం కోసం వీధుల్లోకి వచ్చి సత్యాగ్రహం చేసిన ప్రజలు, దేశం కోసం ఆయుధం పట్టి ఉరికంబానికేక్కిన ప్రజలు ఇప్పుడు ఇళ్ళలో టీవీలలో నేరాలు ఘోరాలు చూస్తూ కాలం వెల్లబోస్తున్నారు. ప్రపంచ స్వాతంత్ర్య పోరాటాలకే స్ఫూర్తినిచ్చే ఉద్యమాన్ని నిర్మించిన మనం, ప్రపంచ దేశాలలో సాగుతున్న ఉద్యమాలను చూసి కొంచెమైన చలించట్లేదు. ఎవరు ఏమైపోయినా అక్కర్లేదు, ఎక్కడ ఎం జరిగిన మనకి అవసరం లేదు.. పెట్రోల్ ధరలు పెరిగినప్పుడో లేక ఉల్లి ధరలు మండినప్పుడు మాత్రమే మనకు ఈ ప్రభుత్వం గుర్తొస్తుంది. ఇంకెన్నాళ్ళు ఇలా బ్రతుకుతాం? ఛీ.. ఇదీ ఒక బ్రతుకేనా!

రాష్ట్రాన్ని, దేశాన్ని కొల్లగొట్టి వేలు లక్షల కోట్లు సంపాదించిన వారి కొడుకులు మనవళ్లు కొత్త పార్టీలు పెట్టి రాజ్యాధికారం కోసం ప్రయత్నిస్తుంటే.. మనకేం పట్టదు. మన దేశం ఎటు పోతుందో ఒక్కసారైనా ఆలోచించారా? 23 ఏళ్లకే ఉరికంబం ఎక్కిన, ఆంగ్లేయుల బుల్లెట్లకి నేలకొరిగిన భగత్ సింగ్, అల్లూరి సీతారామారాజుల ఉద్యమ స్ఫూర్తి ఎక్కడుంది? పరాయి పాలనని త్రిప్పికొట్టడానికి ఒక సైన్యాన్నే నెలకొల్పిన సుభాష్ చంద్ర బోస్ జాతీయ స్ఫూర్తి ఇంకా ఎంతమందిలో మిగిలుంది? కులం, మతం, ప్రాంతం అని వేలాడే దుష్ట రాజకీయనాయకుల తొత్తులుగా మారి వాళ్ళు విదిల్చే నోట్లు, సారా పాకెట్లు తప్ప జనం పాట్లు అవసరం లేనంత హీనంగా మారుతున్నామా!?

ప్రజలు రూపొందించిన లోక్ పాల్ బిల్లుకి ప్రభుత్వం తూట్లు పొడిచి దాన్ని సమూలంగా మార్చి వేసింది. లోక్పాల్ బిల్లు యధాతధంగా అమలైతే అవినీతిని దాదాపు అంతమొందించడం సాధ్యపడుతుంది. ఇప్పటికే దేశంలో పేరుకుపోయిన నల్లడబ్బును పెద్ద నోట్లను నిషేదించడం ద్వారా వెలికి తీయవచ్చు. కేవలం రూ.500 మరియు ౧౦౦౦ నోట్లను నిషేదించడం ద్వారా దాదాపు సగానికి పైగానే నల్లడబ్బును బయటికి తీయగలం. కేంద్రం వద్ద స్విస్ బ్యాంకులలో నల్ల డబ్బు దాచిన వారి వివరాలు ఉన్నా బయటపెట్టలేని బలహీన హీన స్థితిలో ఉంది. ఇప్పటికైనా ఆయా దేశాలతో ప్రభుత్వం ఒప్పందాలు కుదుర్చుకుని నల్లడబ్బుని వెలికితీయాలి. ఈ రెండు పనులను చేయడం ద్వారా మన దేశం ప్రస్తుతం ఎదుర్కుంటున్న మౌలిక సదుపాయాలూ, నిరక్షరాస్యత , పేదరికం, సాంఘిక రక్షణ, నిరుద్యోగం లాంటి సమస్యలను దాదాపు రూపు మాపోచ్చు.

ఇప్పటికైనా మనం కళ్ళు తెరిచి మన పాలకుల మీద ఒత్తిడి తేవాలి, ప్రజలు పూనుకుంటే ప్రభుత్వాలు కూలుతోన్న రోజులివి. మన ప్రభుత్వం కూడా అందుకు మినహాయింపేమీ కాదు. ప్రజలలో చైతన్యం తీసుకురాగలిగితే ఇది అసాధ్యం కాకపోవచ్చు. దీనికి మనవంతుగా ప్రయత్నిద్దాం.

జై హింద్.

కాశ్మీర్ ఎవరిది?

2010-11-01T00:34:00.001+05:30

ఈ ప్రశ్న భారతీయులను అడిగితే ముక్తకంఠంతో దాదాపు అందరూ కాశ్మీర్ మనదేనని చెప్తారు. ఇదే ప్రశ్న పాక్ లో అడిగితే తమదేనంటూ వారు కూడా బల్లగుద్ది మరీ చెప్తారు.

ఇంతకీ ఈ కాశ్మీర్ ఎవరిది? భారతదేశానిదా లేక పాకిస్తాన్ దా?? ఈ ప్రశ్న అడగాల్సింది భారతీయులనా, పాకిస్తానియులనా లేక కాశ్మీరీలనా!!

అవును.. ఈ ప్రశ్న ఖచ్చితంగా అడగాల్సింది కాశ్మీరీలనే! గత 60 ఏళ్ళుగా తమ మాతృభూమిపైనే కాందశీకులుగా ఉంటున్న కాశ్మీరీలనే ఈ ప్రశ్న అడగాలి.. మనలో ఉన్న మూర్ఖత్వం కొన్ని నిజాలను అంగీకరించలేకపోవచ్చును కానీ వందల ఏళ్ళు బానిసత్వంలో మగ్గిన మనం, స్వాతంత్ర్యాన్ని సంపాదించాక అదే పని చేస్తే ఆ స్వాతంత్ర్య స్ఫూర్తికి విలువ ఎక్కడుంటుంది? ప్రపంచ మానవ హక్కుల పోరాటాన్ని ముందుంచి నడిపించిన ఒక మహోన్నత దేశం ఒక మహా నీచకర్యాన్ని చేస్తుంటే ఆ దేశ పౌరులుగా ఎలా సహించగలం??

ఆర్ధిక ప్రయోజనాల ఆశజూపి నాగా ప్రజలని మోసం చేసిన మన దేశమే కాశ్మీరీల స్వాతంత్ర్య కాంక్ష్యను గౌరవించకుండా నిస్సిగ్గుగా వ్యవహరిస్తోంది..

ఈ క్రమంలోనె.. కాశ్మీర్ ఎవరిదో కాశ్మీరీలనే అడుగుదాం!!

నా తదుపరి టపాలో స్వాతంత్ర్యం కోసం తపిస్తున్న ఒక కాశ్మీరీ యువకుడు, ఉద్యమకారుడు సక్లైన్ మసూద్ అభిప్రాయాలు(Interview) తెలుగు బ్లాగరుల కోసం..

ఒక ప్రేమ లేఖ

2010-02-13T15:21:00.001+05:30

హాయ్ ____,

ఎలా ఉన్నావ్? దాదాపు రెండేళ్లుగా ఒక్క పలుకైనా లేకుండా ఇప్పుడు.. ఈ రోజు.. ఇలా ఏంటి..!! అని ఆశ్చర్యపోతున్నావా? లేక గతించిన జ్ఞాపకాలని గుర్తు చేస్తున్నాడేంటని తిట్టుకుంటున్నావా? అయినా గుర్తున్నవాటినే జ్ఞాపకాలంటారేమో కదా!

ఎలా ఉన్నావ్? మళ్ళీ అడుగుతున్నాడేంటి అనుకోకు, రోజుకోసారి అడిగే స్థానం కాస్తా చేజారి ఇప్పుడు సంవత్సరానికోసారి అడుగుతున్నాడులే అని కాస్త జాలిపడి క్షమించేయ్. అయినా జాలిని అంగీకరించకూడదని నీ నుండే నేర్చుకున్నాను.

సరిగ్గా రెండేళ్ల క్రితం ఏం జరిగిందో నీకు గుర్తుందా!? నువ్వు నమ్ముకున్న దేవుడు మనల్ని మళ్ళీ కలిసేలా చేసిన క్షణం, ఎన్ని ఏళ్లు గడిచినా ఎలా మరువగలను. 13వ తేదీ అర్దరాత్రి 12 దాటాక ఈ మతిమరుపు వెదవకి నువ్వు గుర్తుచేసిన అసలు విషయం నన్ను ఆటపట్టిస్తూనే ఉంది. నీ చేయి విడవలేని బలహీనత నుండి నీనుండి శాశ్వతంగా దూరమయ్యే హీన పరిస్థితి వస్తుందని ఆ రోజూహించలేకపోయాను ..

ఓహ్! ఇంతవరకూ ఏదేదొ చెప్తున్నాను.. నేనేం చేస్తున్నానో నీకు అసలు చెప్పనే లేదు కదా! నా నుండి తప్పిపోయిన "నేను" కోసం అన్వేషిస్తున్నాను. నాలో లేని నేను ఎక్కడున్నానో తెలియక, తెలిసినా చేరలేక, చేరినా నన్ను నేను విడిపించుకోలేక నిస్సహాయంగా అన్వేషిస్తూనే ఉన్నాను. నువ్వొదిలి వెళ్లిన జ్ఞాపకాలని కాన్వాసుపై చేర్చి గోడని అలంకరించుకుంటున్నాను. అనునిత్యం ప్రశ్నించే ఈ గోడలనుండి బయటపడటానికి ఒక్కోసారి నా గది బాల్కనీకి వెళ్లి ప్రయత్నిస్తుంటాను.

అయినా నీకు తప్ప ఎవ్వరికీ అర్ధం కాని ఈ లేఖని నీకు కాకుండా అందరికీ పంపిస్తున్న నా పిచ్చిని చూసి నీకు నవ్వొస్తుందేమో కదా! మనం తొలిసారి విడిపోయినప్పుడు ఎవ్వరికీ చెప్పుకోలేని ఆ బాధని పంచుకున్నది కూడా ఇలానే అని నీకు గుర్తుండే ఉంటుంది. మన స్నేహం తర్వాత వచ్చిన రెండేళ్ల ఎడబాటు మదినుండి చెరిగిపోకముందే, ప్రేమ తర్వాత మరో రెండేళ్ల ఎడబాటు వచ్చి చేరిపోయింది.

శరత్కాలపు వెన్నెలకి, వసంతకాలపు పచ్చదనానికి మధ్యనున్న ఖాళీ అంతా కాలమేనా? నీ నుండి నన్ను దూరం చేసింది ఈ కాలమేనా!? అలా ఐతే ఈ కాలాన్ని ఎదిరించే శక్తి నాకు లేదే.. కాలంతో పాటు అన్ని గాయాలు మానిపోతాయన్న నీ మాటలు నిజంగా నిజమేనా? ఏమో ఆ కాలాన్నే అడగాలి, నా గాయాలనెందుకు మాననీయలేదని నిలదీయాలి..

ఆత్రేయ అన్నట్లు సత్యాన్ని కూడా స్వప్నం చేసే బలం ప్రేమకు మాత్రమే ఉందేమో! అందుకే సత్యం ఏమిటో, స్వప్నం ఏమిటో తెలియక తికమకపడుతుంటాను. నిజంగా జరిగిందంతా స్వప్నమేనా? చేయి పట్టుకుని, వెంట నడిచిన ఆ అడుగుల జడి ఏదని ఈ జాడ అడుగుతుంటే అంతా సత్యమేమో అనుకున్నా! ప్రేమగా నీ చేతిని ముద్దాడిన జ్ఞాపకాలన్నీ స్వప్నాలే కదా! అవును స్వప్నాలే.. సత్యాలని నీకనిపిస్తే నాకొక తిరుగు టపా పంపించు.

ఇది ప్రేమలేఖని ఎందుకు అనాలనిపించింది అని అడగాలనుంది కదా! నిజమే.. ఇందులో ప్రేమ ఏ కోశానా లేదే, దీనిని ప్రేమ లేఖ అని ఎందుకన్నానో., మరేమనను?? ప్రస్థుతానికిలా వదిలేస్తున్నాను, ఈ లేఖ నిన్ను చేరాక అక్కడ ప్రేమలేఖని చెరిపేసి నీకు తోచింది రాసేయ్. అయినా చిరునామా లేని లేఖ నిన్ను చేరేదెప్పుడో! తడబాటు లేని ఎడబాటునిచ్చిన ఆ కాలమే చెప్పాలి.

ఇప్పటికి ఇక్కడితో ముగిస్తూ.. నీ టపాకోసం ఎదురుచూస్తూ..

నీ ___.

Terms of Reference of S K committee on T issue

2010-02-12T13:10:00.002+05:30

Today , govt of India announced ToR of Sri Krishna committee on T issue.

1. It will examine the situation in Andhra Pradesh with reference to demand for a separate state of Telangana as well as the demand for maintaining the present status of united Andhra Pradesh".

2. It will review the development in the state since its formation and their impact on the progress and development of different regions of the state.

3. It will examine the impact of the recent developments in the state on different sections of people such as women, children, students, minorities, SCs and STs.

4. It will identify the key issues that must be addressed while considering the matter

5. It will consult all sections of people, especially political parties on the aforesaid matters and elicit their views to seek from the political parties and other organisations a range of solutions that would resolve the present difficult situation and promote the welfare of all sections of people to identify the optimal solutions for this purpose and to recommend a plan of action and a roadmap.

And the dead line is DEC 2010.

Im completely agreeing with the ToR, do you? I hope it will give the better solution for present crisis.

బీటీ పై విజయం

2010-02-09T23:58:00.001+05:30

మోన్శాంటో పై భారతీయ రైతులకి ఇది ఒక తీపి విజయమే!! వ్యవసాయాధారిత భారతదేశంలో వ్యవసాయంపై గుత్తాధిపత్యం కోసం ప్రయత్నిస్తున్న మోన్శాంటోకి ఇది ఒక ఎదురు దెబ్బగా భావించవచ్చు, కాని BT వంగపై ఇంకా పూర్తి స్థాయి నిర్ణయం తీసుకోకుండా ప్రభుత్వం ప్రస్తుతానికి పక్కనపెట్టింది. అంటే భవిష్యత్తులో ఈ ముప్పు ఏదో ఒక రోజు సంభవించే ప్రమాదం లేకపోలేదు.

ఇప్పటికే BT పత్తి తో మనదేశ మార్కెట్ ను కైవసం చేసుకున్న మోన్శాంటో, వంగతో మరోసారి రైతులని దోచుకోవాలని చూస్తోంది. ఈ BT కథాకమామిషు ఏంటో ఒకసారి చూద్దాం.

BT(Bacillus thuringiensis) అనేది ఒక జన్యువుని మరొక జీవంలో ప్రవేశ పెట్టే పద్దతి. దీనినే జన్యుమార్పిడి అని కూడా అంటారు. జన్యు మార్పిడి అంటే అది ప్రకృతికి విరుద్ధంగా వెళ్ళడమే. ఈ విధానంలో విత్తనంలో ఒకరకమైన క్రిమిని ప్రవేశపెడతారు, ఈ క్రిమివలన ఆ విత్తనం నుండి వచ్చిన మొక్కకు తెగుళ్ళు సోకవు. కానీ ఇలా చేయడం వలన భూమిలో నత్రజనిని అభివృద్ది చేసే క్రిములు కూడా నశించి అసలుకే ఎసరు వస్తోంది, తొలి పంటకి గణనీయమైన దిగుబడి వచ్చినా మలి పంటలలో ఆ దిగుబడి 50% వారకూ తగ్గిపోయి రైతుకి తీరని వేదననే మిగిలిస్తున్నాయి. ఇదంతా ఒక పార్శ్వం అనుకుంటే, జన్యుమార్పిడి చేసిన పంటలు పండించే రైతులు చరంవ్యాదులకి గురవ్వడం, ఆ పంటలని తిన్న పశువులు మరణించడం లాంటివి జరుగుతూనే ఉన్నాయి. వీటిన పండించిన రైతులు అప్పులుపాలై, పంటను కోల్పోయినప్పుడు భీమా డబ్బు చెల్లించాల్సిన మోన్శాంటో ముఖం చాటేస్తుండటంతో చివరికి ఆత్మహత్యలే శరణ్యమవుతున్నాయి. ఈ మధ్యకాలంలో మనం విన్న ప్రత్తి రైతుల ఆత్మహత్యలకి ఏకైక పెద్ద కారణం మోన్శాంటో కంపెనీయే!!

వాణిజ్య పంటలు పండిస్తేనే రైతు ఆరోగ్యంపై తీవ్ర ప్రభావం చూపిస్తున్న BT విత్తనాలు, ఇక ఆహార పంటలలో ఎంత ప్రభావాన్ని చూపిస్తాయో చెప్పనవసరంలేదు. మానవులపై BT ఆహార ప్రభావాన్ని పరిశోధన చేయకుండానే, అమెరికా లాంటి అగ్ర దేశాలలో ఈ ఆహారాన్ని, పంటలని వినియోగించకుండానే ఇక్కడ ప్రవేశపెడుతున్నారంటే మన దేశాన్ని అగ్ర రాజ్యాలు ప్రయోగశాలగా ఉపయోగించుకుంటున్న విషయం మనకు తెలుస్తుంది. 2400 రకాల దేశీయ వంగను పండింఛే రైతులు BT విత్తనాలని అనుమతిస్తే మోన్శాంటో దగ్గర విత్తనాలని కొనుక్కొవల్సిన పరిస్థితి వస్తుంది. ఒకసారి ఈ పంటని ప్రవేశ పెడితే దానివలన మన దేశీయ పంటరకాలు అతి వేగంగా అంతరించిపోతాయని నిపుణులు చెబుతున్నారు.

ప్రస్తుతానికి మన రైతాంగం BT పై విజయం సాధించిందనే చెప్పుకోవాలి. ఈ విజయంలో ప్రజా, రైతు సంఘాలతో పాటు గ్రీన్ పీస్, బ్లూ క్రాస్ లాంటి సంస్థలకి కూడా వాటా ఉంది.

చిట్టితల్లిని పొట్టనపెట్టుకున్నారు..

2010-02-01T21:05:00.000+05:30

మనుషులు ఇంత క్రూరంగా ఉంటారా అని క్రూరమృగాలు సైతం ఆశ్చర్యపోతాయి. అయినా మృగాలతో వీటిని పోల్చి వాటిని తక్కువచేయలేను. అడవి జంతువులు సైతం తమకు హాని చేసినవాటిని తప్ప మిగిలినవాటిని ఏం చేయవు.. ఆహారంకోసం తిన్నా అది జీవ వైవిధ్యాన్ని కాపాడుతుందేగాని ప్రకృతి విరుధ్ధం కాదు.

అయినా ఆ చిట్టితల్లి ఏం పాపం చేసింది? అసలు చిన్నపిల్లలు ఏడిస్తేనే తట్టుకోలేమే! అలాంటిది ఇంత హాని ఎలా చేయాలానిపించింది?? పాపం ఆ చిట్టితల్లి చివరినిమిషంలో ఎంత నరకవేదన అనుభవించిందో!! ఈ వార్త విన్నాక కన్నీరు పెట్టని హృదయాలు ఎన్నుంటాయి..

నిన్న సాక్షి చానల్లో ఒక వ్యక్తి మాట్లాడుతూ పాపం ఆ పాపాయి పాలైనా తాగిందో లేదో అని కన్నీరు పెట్టడం ఇంకా నా మనసునుండి చెరిగిపోనేలేదు.

అయినా..మనదొక ధౌర్భాగ్యపు వ్యవస్థ.. బోరుబావిలో పడితే రక్షించలేని వ్యవస్థ, కిడ్నాపైతే కాపాడలేని వ్యవస్థ, హత్యకు ప్రయత్నిస్తే అడ్డుకోలేని వ్యవస్థ, నీళ్ళలో మునిగితే రక్షించలేని వ్యవస్థ, మంత్రుల ఎదురుగా వ్యక్థిని చంపుతుంటే చోద్యం చూసే వ్యవస్థ, చోద్యం చూసేవాళ్ళమీద చర్య తీసుకోలేని ఒక నికృష్ఠపు వ్యవస్థ.

ఎవ్వరిని నిలదీసి అడగాలి ఈ పాపం నీదేనని??

oka samasya.. oka parishkaaram!?

2010-01-06T00:06:00.001+05:30

నాకు తెలంగాణా ప్రజల సమస్యలు తీరాలని ఆశగా ఉంది అలా అని రాష్ట్రం ముక్కలవ్వాలని లేదు. నాది రెండు నాల్కల ధోరణి కాదు. తెలంగాణా ఉద్యమం సాగినన్ని రోజులు వారి సమస్యల గురించి విధ్యార్థులు ఉద్యమిస్తుంటే చూసి ముచ్చటపడ్డాను కాని రాష్ట్రం విడిపోతుందని తెలియగానే ఎదో తెలియని ఆవేదన. నాకు సంభందిచినదేదో నన్ను వదిలి వెళ్ళిపోతుందన్న భావన. సరిగ్గా ఇలాంటి ఆలోచనే సమైఖ్యాంధ్ర ఉద్యామనికి కారణమైంది. కానీ ఈ ఉద్యమాలు ప్రజల మధ్య వైషమ్యాలు పెంచడానికే దోహదపడుతున్నాయి తప్ప పరిష్కారం కనుగొనడానికి కొంచెం కూడా ఉపయోగపడట్లేదు. అందుకే నాకు తోచిన పరిష్కారం ఇక్కడ చెప్పదల్చుకున్నాను.

--> తెలంగాణా సమస్య మొదలైంది తొలుత రాష్ట్రానికి పెట్టిన పేరునుండే. ఆంధ్రప్రదేశ్ ని మర్చిపోదాం,పేరు మార్చి తెలంగాణా అనే పెట్టుకుందాం. మీ రాష్ట్రంలోనే మేమూ ఉంటాం.. మమ్మల్ని ఉండనియ్యండి.

--> పాతికేళ్ళపాటు రాష్ట్రానికి తెలంగాణా ప్రాంతం వారినే ముఖ్యమంత్రిగా ఎన్నుకుందాం. కాదన్న వాడిని రాష్ట్రం నుండి తరిమేద్దాం. అధికారం ముఖ్యం కాదు కలిసుండటం ముఖ్యం.

--> 610 జీవో కచ్చితంగా అమలు చేద్దాం. మా సోదరులని మేము వెనక్కి పిలిపించుకుంటాం.

--> నల్గొండకి నీరిప్పిద్దాం, ఫ్లోరైడ్ సమస్యకి కల్సి పోరాడదాం. మేమూ మీ వెన్నంటి ఉంటాం.

--> పాలమూరు వలసలను, రైతుల, చేనేత కార్మికుల ఆత్మ హత్యలని నిరోధించడానికి ప్రత్యేక ప్యాకేజీ ప్రకటిద్దాం. రుణాల మాఫీ చేసి వారిని కాపాడుకుందాం.

--> గత యాభై యేళ్ళుగా మనం ఎన్నుకున్న ప్రజాప్రతినిధుల ఆస్థుల వివరాలు సేకరించి అక్రమార్కుల భరతం పడదాం. సమస్యలకి మూలకారణాలు తెల్సుకుందాం.

--> రాష్ట్రంలో సెజ్ పేరుతో జరుగుతున్న భూపందేరాన్ని అడ్డుకుందాం. సెజ్లని నిషేదిద్దాం. పేదవాడి భూమిని పేదవాడికే చెందేట్లు చేద్దాం.

--> కులాలు,ప్రాంతాలవారిగా కాకుండా కల్సికట్టుగా అన్ని సమస్య పరిష్కారాలకోసం పోరాడదాం. మన ప్రాంతాల ప్రజల మధ్య సుహృధ్బావ వాతావరణం నెలకొనేట్లు చేద్దాం.

--> సందట్లో సడేమియాలా శ్రీకాకుళం జిల్లాలో నెలకొల్పుతున్న మూడు థర్మల్ విద్యుత్కేంద్రాలు ఒక అణు విద్యుత్కేంద్రం వెనక్కు వెళ్ళేలా చేద్దాం. విశాఖలో బాక్సైట్ గనుల తవ్వకాలకు వ్యతిరేకంగా అక్కడి గిరిజనులతో కలిసి పోరాడుదాం. గాలి గనులు విశాఖ ఉక్కుకి చెందేట్లు చేద్దాం.

--> ఆర్టీసీ (RTC)లో కాంట్రాక్టు విధానానికి వ్యతిరేకంగా పోరాడదాం. ప్రభుత్వ ఉద్యాగాలలో తీసేసిన పెన్షన్ విధానాన్ని తిరిగి తీసుకురావడానికి ఉద్యమిద్దాం.

ఈ సమస్యలన్నింటికీ విభజనే పరిష్కారమా!? ఏది ఏమైనా కలిసే ఉందాం.. మీరు మాతో ఉండకండి, మేమే మీతో ఉంటాం తెలంగాణా రాష్ట్రంలో. రాష్ట్రాన్ని ఒక్కటిగా ఉంచుదాం, ఒక్కసారి ఆలొచించండి.

మీకు ఎదైన పరిష్కారం(విభజన తప్ప) తోచినట్లైతే అది ఇక్కడ పంచుకోండి

ఎందుకోసం..ఎవరికోసం..

2010-01-05T17:22:00.000+05:30

ఎందుకోసం ఈ విద్వేషాలు!?
ఎవరికోసం ఈ కోపతాపాలు..?

ఒకరి ఉద్యమం నిజమైతే..
మరొకటి అబద్దమవుతుందా!?
ఒక విద్యార్థి విప్లవకారుడైతే..
మరొకడు తీవ్రవాదా!?

అభివృద్దికి ఆటంకం ప్రజలా..
నిన్ను దోచిన నాయకులా!?

ఇన్నినాళ్ళూ ఏం జేస్తున్నడు
సిగ్గులేని నాయకుడు..

మతం,కులం,ప్రాంతమని
జనాన్ని విడదీస్తున్నడు..

రగులుతున్న రాష్ట్రం చూసి
సంబరపడిపోతున్నడు..

నాకు తెలిసిన బాలగోపాల్

2009-10-18T22:45:00.002+05:30

నాకు తెలిసిన బాలగోపాల్ అంటే బాలగోపాల్ గారు నాకు పరిచయమున్నారని కాదు, నేను తెలుసుకున్న బాలగోపాల్ గురించి కొంత చెప్పాలని చాన్నాళ్ళ తర్వాత మళ్ళీ రాస్తున్నాను.

ఆయనని నేనెప్పుడు ప్రత్యక్షంగా చూడలేదు కానీ మా నాన్నగారి ( గణపతి రావు నాయుడు గారు, శ్రీకాకుళం జిల్లా అధ్యక్షులు, ఆంధ్రప్రదేశ్ ఉపాధ్యాయ సమాఖ్య(APTF) ) ద్వారా ఆయనగురించి చాలా విషయాలు తెల్సుకున్నాను. మానవ హక్కుల ఉద్యమంలో ఇరువురూ పనిచేస్తున్నప్పటికీ మానవహక్కుల పట్ల ఆయన నిబద్ధత కొన్ని విషయాలలో ఆయన అతని సహచరులని కూడా విభేదించేట్లు చేసేది.

శ్రీకాకుళం జిల్లాలో సువర్ణముఖి నది పైన మడ్డువలస ప్రాంతంలో ఒక రిజర్వాయరు స్థాపనకి ప్రభుత్వం శంకుస్థాపన చేసి, దాదాపు రెండున్నర దశాబ్ధాలు ఆ ప్రతిపాదనని గాలికొదిలేసింది. ఆ రిజర్వాయరు నిర్మాణం పూర్తికాక ఆయకట్టు కింద ఉన్న (ఉండవల్సిన) దాదాపు నలభైవేల ఎకరాలు ఎండిపోయే పరిస్థితిలో అక్కడ రైతులు SUCI పార్టీ ( Socialist Unity Centre of India ) నాయకత్వం కింద ఒక ఉద్యమం చేపట్టారు. రైతులు, SUCI నాయకత్వం కలిసి మడ్డువలస రిజర్వాయరు సాధన పోరాట కమిటీగా ఏర్పడి ఉద్యమాన్ని తీవ్రతరం చేసారు. ఆ కమిటీకి కామ్రెడ్ రమేష్ పట్నాయక్ (All India Democratic Students Organization మాజి రాష్ట్ర అధ్యక్షులు, ప్రముఖ ఉద్యమకారులు, మేధావి. ప్రస్తుతం ప్రొ.హరగోపాల్ వంటి వారితో కలిసి విద్యా పరిరక్షణకు, మానవ హక్కుల కొరకు ఉద్యమిస్తున్నారు ) గారు కన్వీనర్ గా , మా నాన్నగారు జాయింట్ కన్వీనర్ గా ఉండేవారు.

సాధన కమిటీ సంవత్సరాలుగా చేపట్టిన అందోళనలు విజయవంతమయ్యాక అప్పటి ముఖ్యమంత్రి చంద్రబాబు నాయుడు మడ్డువలస వచ్చి థొంభై కోట్లు(అప్పటికి ప్రోజెక్టు అంచనా వ్యయం 120 కోట్లకి చేరింది) కేటాయించారు. నిధులు సక్రమంగా వినియోగమయ్యేట్లు చూడండంటూ సభా వేదికమీదే ఉద్యమాన్ని నడిపించిన నాయకులని పిలిచి బాధ్యతలు అప్పగించారు.

వందలాది గ్రామాల రైతుల విజయం సరే.. ముంపు గ్రామాల పరిస్థితిని ఎవరు పట్టించుకుంటారు. నిజానికి అక్కడ ముంపు వలన నష్టపోయేది కేవలం మూడు గ్రామాలు మాత్రమే. వారు ఎంత గొంతు చించుకున్నా వందలాది గ్రామాల ప్రజలకు ఉపయోగపడే ఒక ప్రొజెక్టు నిర్మాణాన్ని ఆపలేరు. ఇలాంటి సమయాలలో బాధితుల తరపున మాట్లాడే కమ్యూనిష్టు పార్టీలు, కొన్ని ప్రజా సంఘాలు రైతుల తరపున ఉద్యమంలో పాల్గోవడంతో వాళ్ళ ఆందోళనని బాహ్యప్రపంచానికి వినిపించే నాథుడే కరువయ్యాడు.

అలాంటి పరిస్థితిలో, లక్షలమంది ప్రయొజనాలు ఉన్నప్పటికి కొన్ని వేలమంది బ్రతుకుల్ని బలి చేయడం తగదని బాలగోపాల్ గారు నిర్వాసితుల తరుపున ఉద్యమానికి పూనుకున్నారు. ఆ రొజుల్లో ఉధ్రుతంగా సాగుతున్న నర్మదా బచావో ఆందోళన్ ఉద్యమ నిర్మాత మేధా పాట్కర్ కూడా మడ్డువలస నిర్వాసితుల తరుపున ఉద్యమించారంటే అది కచ్చితంగా బాలగోపాల్ గారి ఘనతే. నిజానికి ఇక్కడి విశేషమేమంటే కామ్రెడ్ రమేష్ పట్నాయక్ గారు, మా నాన్న గారు బాలగోపాల్ గారికి ఎన్నో ఉద్యామాలలో సహచరులు. చివరికి బాలగోపాల్ గారి కృషి వలన నిర్వాసితులకి కొత్తగా గ్రామాలు నిర్మించి ఇచ్చింది ప్రభుత్వం.

బాలగోపాల్ గారు అస్థమించాక ఆయన గురించి పత్రికలలో రాస్తూ ఆయన నక్సలైట్ ఉద్యమాలు కూడా మానవహక్కుల ఉల్లంఘనకి పాల్పడుతున్నాయని, అందుకే ఆయన పౌర హక్కుల ఉద్యమం నుండి బయటికొచ్చి మానవ హక్కుల వేదికని ఏర్పాటుచేసారని పేర్కొన్నాయి. నాకు తెల్సినంతవరకు ఆయన ఒక సంఘం అనుసరిస్తున్న విధానాలని విభేదించి మరొక సంఘం మాత్రమే పెట్టుకున్నారు. రెండు సంఘాలలోనూ ఆయన కృషి చేసింది మానవహక్కుల కోసమే. శ్రీ శ్రీ గారు అరసం(అభ్యుదయ రచయితల సంఘం) లో ఇమడలేక విరసం(విప్లవ రచయితల సంఘం) అంకురార్పణకి ఎలా కృషి చేసారో అదేవిధంగా బాలగోపాల్ గారు కూడా మానవహక్కుల వేదిక స్థాపనకి కారణమయ్యారు.

ఆపండి మీ దుష్ప్రచారం!!!

2009-04-20T09:02:00.002+05:30

గత నెల రోజులుగా మన తెలుగు పత్రికలు చదువుతుంటే పత్రికలమీదే అసహ్యమ్ వేస్తోంది. నిస్సుగ్గుగా, నిర్లజ్జగ్గా ఒక పార్టీకి తొత్తుల్లా వ్యవహరించడంలో తమకు తామే సాటి అని నిరూపించుకుంటున్నాయి. ఈ పత్రికలు ఏకంగా దొంగ సర్వేలు ప్రచురిస్తూ ఫలితాలనే తారుమారు చేయాలని చూస్తున్నాయి. రామోజీ రావు, రాధా క్రిష్ణ , నూకరాపు, గిరిష్ సంఘీ, వై.యస్.జగన్.. ఎవరైతే ఏంటి, పత్రికల నైతిక విలువల్ని కాలరాయడానికి.

రాష్ట్రం లో 3 పత్రికలు తెలుగు దేశం కరపత్రాలులా పని చేస్తున్నాయి. మిగతా పార్టీలను తక్కువ చేసి చూపించడంలో వీటికిమించిన పత్రికలు లేవు. జిల్లా టాబ్లాయిడ్లలో పెయిడ్ ఆర్టికళ్ళను రాస్తూ ప్రతి ఒక్కరిదీ గెలుపు బాటే అంటున్న ఈ పత్రికలకు మెయిన్ కి వచ్చేసరికి మాత్రం 'తెలుగు దేశం' తప్ప ఎవరూ గెలిచే పరిస్థితులు కనిపించట్లెదు. తన ఐదేళ్ళ పదవీ కాలంలో రామోజీ రావుని ఒక ఆట ఆడుకున్న వై.యస్ కి ఇప్పుడు రామోజి ప్రతీకారం తీర్చుకుంటున్నాడు. నిజంగా ఈనాడు భావించినంత వీక్ గా ఐతే ఆ పార్టీ లేదు. మిగిలిన రెండు పార్టిలతో సరిసమానంగా సీట్లు సాధింఛే సత్తా కాంగ్రెసుకి వుంది.

ఇదే ఈనాడు పత్రిక తెలుగు దేశాన్ని కాకుందా మరో పార్టీ బాధ్యతలను కూడా మోస్తోంది. అదే లోక్ సత్తా పార్టీ.
సచ్చీల రాజకీయాలంటూ బయలుదేరిన ఈ పార్టీ 'లో గుట్టు', రామోజీ రావుతో జే.పీ గారి అనుభందాన్ని చూస్తే బయటపడుతుంది. యన్టీయార్ ని పదవీచ్యుతుడిని చేయడం దగ్గరనుండి .. ఇప్పుడు టీవీలలో కుప్పలు తెప్పలుగా ప్రసారం అవుతున్న యాడ్ ల వరకు వెనకున్న నిజాల్ని తరచి చూస్తే వీరి బంధం ఎంత గట్టిదో ఎవరికైనా తెలుస్తుంది. కొత్తగా పుట్టిన ప్రజారాజ్యం వోట్ల చీలికే లక్ష్యంగా ( తెలుగుదేశం విజయం) వీరు సాగిస్తున్న నాటకం కళ్ళముందు కనబడుతుంది. సొంత కులానికి అన్ని సీట్లను ఇచ్చుకున్న జయప్రకాశ్ గారు social justice ఎలా సాధిస్తారో ఆ దేవుడుకే ఎరుక.

ఇలా పేరున్న పత్రికలన్నీ తమ సామాజికవర్గానికి, కులానికి సంభదించిన పార్టీలకే సపోర్ట్ చేస్తూ పత్రిక అన్న పేరుకే చెడ్డపేరు తీసుకువస్తున్నాయి. ఈనాడు, ఆంధ్రజ్యోతి పత్రికలు తెలుగుదేశానికి పట్టులేని ప్రాంతాలలో కూడా ఆ పార్టీ పుంజుకుంటున్నట్లుగా వార్తలు రాసి అక్కడ neutral voters ని ప్రభావితం చేస్తున్నాయి. వీళ్ళ దొంగ సర్వేలు చదువుతా వుంటే ఆయా పార్టీలకే ఎంతో అసహజం అనిపించేట్లుగా వుంటున్నాయి. ఈనాడు సర్వేలో మా ఉత్తరాంధ్రలో తెలుగుదేశం ఎంతో బలంగా వున్నట్లు చూపిస్తున్నారు. ఎన్నికలు అయ్యాక తప్పదు అన్నట్లు ప్రజారాజ్యానికి అనుకోని విధంగా ఎక్కువ వోట్లు పోలయ్యాయని మళ్లీ కాకి లెక్కలు వేయడం ప్రారంభించారు. ఇలానే తూర్పు, పశ్చిమాలలో అస్సలు పట్టులేని తెలుగుదేశం పుంజుకుంటోంది అన్నట్లుగా రోజు వార్తలు ప్రచురిస్తూ మిగతా పార్టీలని దెబ్బకొట్టాలని ప్రయత్నిస్తోంది.

ప్రజారాజ్యం ఫై దుష్ప్రచారం : ఇటీవల తెలుగుదేశాన్ని వీడిన నాయకుల పేర్లు చెప్పగలరా!? పోనీ కాంగ్రెస్ ని వీడిన నాయకుల పేర్లు చెప్పగలరా? చెప్పలేరు.. కాని ప్రజరజ్యాన్ని వీడిన నాయకులు అని అడిగితే మాత్రం పెద్ద చిట్టా విప్పగలరు.. ఏం? మిగతా పార్టీలనుండి నాయకులు వెళ్ళిపోవడం లేదా? కాని జనానికి ఆ విషయం ఎందుకు చేరడం లేదు? పరకాల ప్రభాకర్ లాంటి ఒక చిన్న నాయకుడు పార్టీ నుండి వెళ్ళిపోతే అంత ప్రచారం అవసరమా? ఇంతవరకు ప్రత్యక్ష ఎన్నికలలో నెగ్గని, తన భార్యని కూడా పార్టీలోకి తీసుకురాలేని ఒక చేత కాని నాయకుడు వెళ్ళిపోతే ఎందుకు అంత ప్రచారం? కాంగ్రెస్ నుండి ఆదికేసవుల నాయుడు లాంటి పెద్ద లీడర్ ప్రజరజ్యమ్లోకి వస్తే జనానికి ఎందుకు తెలియట్లేదు? పార్టీ లో టికెట్స్ ఆశించి భంగపడిన ఇలాంటి నాయకులు పోతే ఎందుకిస్తున్నారు అంత ప్రచారం?? కొత్త పార్టీ మీద ఇంత దుష్ప్రచారమా? ఒక వ్యక్తిని అడ్డుకోవడానికి ఇన్ని కుట్రలా?

ఒకటే కులం ఆధిపత్యం లో మగ్గిన సినిమా ఇండస్ట్రీలో ఎన్ని అడ్డంకులు ఎదురైనా నెగ్గిన ఘనత చిరంజీవిది.. ఇప్పుడు అలానే అణగదొక్కాలని చూస్తున్నారు.. కానీ జనం అంతా చూస్తున్నారు. ప్రజరాజ్యానికి ౩౦ సీట్లకు మించి రావని తెగ ఉదరగోట్టాయి సర్వేలన్నీ.. ఇప్పుడు ఉత్తరాంద్రలోనే ౨౦(20) కి మించి సీట్లు వచ్చే పరిస్థితి ఉంది ప్రజారాజ్యానికి... కానీ ఈ పత్రికలు విషం కక్కడంవలన ప్రజారాజ్యం 5% వోట్లైనా కోల్పోయే పరిస్థితి వచ్చింది. అయినా సరే 70 సీట్లకు తగ్గకుండా గెలుచుకునే సత్తా వుంది ఈ పార్టీకి. అపుడు ముఖ్యమంత్రి పీఠం ఎవరెక్కుతారు? చంద్రబాబా? లేక వై.యస్ ఆ?

తెలుగుదేశం ఎలాగూ ప్రజారాజ్యం వోట్లను చీల్చలేదు కాబట్టి రామోజీ రావు కి దొరికిన ప్రత్యామ్నాయం.. లోక్ సత్తా. నిజంగా జయప్రకాశ్ అంత నిజాయితీపరుడా? అంత సచ్చీలుడా? అలా అయితే కూకట్ పల్లి లో కాదు వెళ్లి నల్గొండలో పోటి చేయాల్సింది.. పోలేపల్లిలో తన ప్రతాపం చూపాల్సింది. ఆంధ్ర నుండి వలస వచ్చిన వారితో నిండిపోయిన కూకట్ పల్లిలో ఎందుకు పోటి చేస్తున్నాడు? లోక్ సత్తాలో జయప్రకాశ్ కాకుండా ఇంకొక నాయకుడి పేరు చెప్పండి.. రాష్ట్రాన్ని గెలిపించండి, కేవలం నాలుగు కుటుంబాలని కాదు అని ప్రకటనలు దంచిన వాడికి సొంత పార్టీలో ప్రజా స్వామ్యం కొరవడి వ్యక్తి స్వామ్యం రాజ్యమేలుతోంది అన్న సంగతి గుర్తు రాలేదా? ఆంధ్రా నుండి వలస వచ్చిన వారు అధికంగా వుంటే మహా కూటమి అక్కడ తెరాసా కి ఎందుకు సీట్ ఇచ్చింది?? జనం అంత వెర్రి వాళ్ళు కారు జయప్రకాశ్.. అన్నీ చూస్తున్నారు.. ఎన్నికలకు ముందురోజు కూకటపల్లి లో నువ్వు పంచిన బిర్యానిలే సాక్ష్యం.. పోలీసులకు దొరికిపోయినా మీడియా పట్టించుకోలేదు అంటే.. నీకు హ్యాట్సాఫ్!!

ఎవరిని ఎన్నుకోను??

2009-03-25T01:03:00.000+05:30

ఐదేళ్ళు గిర్రున తిరిగిపోయాయి. మళ్ళీ ఎన్నికలొచ్చేసాయి. కానీ క్రితం ఎన్నికలకి నాకింకా పదిహేడెళ్ళు కూడా నిండకపోవడంచేత ఎన్నికలగురించి ఆలోచించినా వోటు ఎవరికి వేయాలి అని మాత్రం ఆలోచించలేదు. కాని తొలిసారి నేను ఈ ఎన్నికలకి వేయబోయే వోటు గురించి మాత్రం కొంతవరకు ఆలోచిస్తున్నానే చెప్పాలి. కొంతవరకు అని ఎందుకు అంటున్నానంటే , ఎంతోకొంత మనసులో చిరంజీవికి వోటు వేయాలి అనుకున్నానుగనక!

అవినీతిలో కూరుకుపోయిన కాంగ్రెస్ కన్నా, అధికారం కైవసం చేసుకోవడానికే ఏర్పడిన భావ సారుప్యతలేని పార్టీల కలయిక అయిన మహాకూటమికన్నా చిరంజీవికి వోటు వేయడమే మంచిదనిపించింది. లోక్ సత్తా కి వోటేయొచ్చుగా అని అడిగేవాళ్ళు కుడా ఉన్నారు... కానీ చిరంజీవి మార్పు మంత్రం లాగానే ఈయనగారి మంత్రం కూడా జనానికి అర్ధం కాకుండా ఉంది. ఓ సారి జయప్రకాష్ ని ఆఫ్ఘనిస్తాన్ మీద అమెరికా యుద్ధాన్ని గురించి వ్యాఖ్యానించమనగా " ఆఫ్ఘనిస్తాన్ లాంటి దేశం మీదం యుద్ధం చేయకుండా ఎవరైనా ఏం చేస్తారు? " అని ప్రశ్నించాడంట!! ఈయనగారి తెలివితేటలు అలా ఏడిచాయి. అంతవరకూ ఆయనమీద ఉన్న మేధావి అనే ముద్ర( నా మనసులో సుమా..) ఆ దెబ్బతో చెరిగిపోయింది.

ఇక జాతీయ రాజకీయాల విషయానికి వస్తే.. ఏ రాయి ఐతే ఏంటి పళ్ళు విరగ్గొట్టుకోడానికి అన్న మాదిరిగా తయారయ్యాయి. ఎంతమాత్రమూ అధికారంలోకి రాకూడని పార్టీ భారతీయ జనతా పార్టీ. ఇదొక అతివాద హిందూ పార్టీ తప్పితే మరొకటి కాదు. భారతీయులని భారతీయులుగా కాక మత ప్రాతిపదికన విడగొట్టి పబ్బం గడుపుకోవాలని చూసే పార్టీ. ఒకవేల ఈ పార్టీ అధికారంలోకి వస్తే ఎన్ని మారణహోమాలు జరుగుతాయో తలుచుకుంటేనే భయమేస్తుంది. అప్పుడు మరింతమంది మోడీలు పుట్టుకోస్తారు.. అడ్డూ అదుపూ లేకుండా చెలరేగిపోతారు. మోడీ కన్నా నీచుడు (అద్వాని) మన ప్రధాని ఐతే ఇక పరిస్థితి ఊహించుకోండి. అద్వాని ఒక అభినవ హిట్లర్. ఇందులో ఎటువంటీ సందేహమూ లేదు.

కాంగ్రెస్ పార్టీవి ఓటు బ్యాంకు రాజకీయాలు ఐనా కూడా ఈ విషయంలో భా.జా.పా కన్నా చాలా నయం. కాకపొతే.. మన దేశ సార్వభౌమత్వాన్ని తీసుకెళ్ళి అమెరికా లాంటి దేశాల చేతిలో పెడుతుంది. అణు ఒప్పంద విషయంలో జరిగింది ఇదే. ఈ రెండు పార్టీలకన్నా కమ్యూనిష్టులమని చెప్పుకునేవాళ్ళు (CPI, CPM) కొంతవరకూ నయం. కాకపోతే అవి కమ్యూనిష్టు పార్టీలనే గుర్తింపునుండి బూర్జువా పార్టీలు అనే గుర్తింపుని రోజు రోజుకి పొందుతున్నాయి. అధికారంలో ఉన్న చోట్ల ఒకలా, ప్రతిపక్షంలో ఉన్న చోత ఒకలా వీరు పాటిస్తున్న ధ్వంధ్వ ప్రమాణాలు ప్రజలు ఈ పార్టీల మీద విస్వాసం కొల్పొయేలా చేస్తున్నయి.

యువతే రాజకీయలలోకొచ్చి ప్రత్యక్ష పోటీకి దిగుతున్న తొలి ఎన్నికలు బహుసా ఇవే కావచ్చు. విద్యాలయాలలో రిజర్వేషన్లకు వ్యతిరేకంగా పోరాడిన యువత YOUTH FOR EQUALITY పేరుతో ప్రత్యక్ష ఎన్నికలలో పోటీ చేయనుంది. వీరిని ఎంతవరకూ మన దేశ ఓటర్లు అర్ధం చేసుకుంటారో చూడాలి. (ఇంకా ఉంది)

Why they love Narendra Modi

2009-02-01T23:25:00.002+05:30

This is a country of nit-pickers. Here was Vibrant Gujarat announcing another huge haul from its latest investment spectacle when critics went into overdrive. The figures were exaggerated and most of the money had not really come in, they carped.

Reporters, celebrity columnists and political rivals quoted official statistics from varied sources and Right to Information disclosures to show up the claims of the Narendra Modi government.

Some became extremely shrill. Remember, said a Congress spokesman, how well industrialists adored Hitler. There were also references to the 2002 pogrom which took the lives of around 2,000 Muslims. But industry couldn't have cared less. This year's extravaganza, with even more of the cream of Indian business in adulatory attendance, netted promises of investments amounting to Rs 12,00,000 crore (Rs 12,000 billion) -- a colossal tribute to Modi's reputation for ruthless efficiency.

His is not the discreet charm of the accommodating politician but the irresistible attraction of a strongman who delivers. The big draw appears to be the way Modi functions: red tape has been practically banished and government departments take their cue from the chief executive.

Thus, clearances come at breathtaking speed, much to the delight of businessmen who value speed above all else. An awestruck Ratan Tata reminded the January 2009 investors' summit that the Nano project was cleared in just three days!

"I have to listen to my own saying (of 2007) that if you are not in Gujarat you are stupid. Today, I am saying that I am not stupid," the country's most iconic businessman was quoted as saying. But then Ratan Tata has special reasons for saying that.

The extremely cosy relationship that industry and the Gujarat CM enjoy raises some troubling questions.

What do the Ratan Tatas, Sunil Mittals, K V Kamaths and Ambanis see as the role of politicians? Can generous sops to industry and the speed and simplification of regulations alone be compelling reasons for the adulation of a politician with a spotty record on pursuing development goals and protecting the rights of the vulnerable sections of society? It would appear that India's business community for the most part is unable to see beyond its nose.

If not, what explains the complete indifference of these men to some shocking revelations about Modi's Gujarat that were made at the same time the Vibrant Gujarat histrionics were being played out? Top among these is that the state's record on getting its children into school and keeping them there is dismal.

The Annual Status of Education Report Rural 2008, the most telling document on education trends, shows 21 per cent of the boys and 30 per cent of girls in the 15-16 age group in rural Gujarat dropping out of school.

Worse, the younger children are simply not getting a proper education. Only 59.6 per cent rural children in the Standard 3 to 5 group could read the Standard 1 text against the all-India average of 66.6 per cent. In maths, they fared worse: only 43.1 per cent could do subtraction against the national average of 54.9 per cent, way behind the figures for Chhattisgarh and Madhya Pradesh.

Surely, something is rotten in the state of Gujarat? Perhaps, his business fan following is not aware that Gujarat under Modi has fared worse than most states on almost every index of human development, the worst blot being the dwindling sex ratio. The number of girls per 1,000 boys in Gujarat is just 878, one of the lowest in the country, despite the growing prosperity of the state -- or perhaps because of it.

The poor indices of overall human development -- Gujarat has slipped from first spot to sixth place among Indian states -- are a deeply worrying issue for social scientists who have also been sounding the alarm bells on the fragmentation and ghettoisation of Gujarat's society.

But these are not issues that find resonance in the business community. Instead, there is a belief that all is well with Modi's state. Nothing but rank ignorance could explain this very recent statement by a leading banker, who is also the head of an industry organisation, praising what he called "Gujarat's all-round development".

He says: "When I talk about Gujarat as a role model, it is not only to do with GDP growth but also other parameters like human development index, schooling, education, infrastructure and basic services. That is a model which is setting a right benchmark."

A big part of the answer as to why industry takes such a benign view of the 'Gujarat model' could be that Modi makes no bones about favouring this segment over all others. It is a model where public money is used to turn a private venture into a profitable enterprise at the cost of the environment. This is not to say that other parts of India are not similarly engaged but it is a fundamental principle with Modi.

A clear indication of this is available in a Government Resolution on the concessions made to Tata's Nano project. The GR passed on January 1, 2009, but made public just 10 days ago, is an eye-opener although there have been several speculative reports that revealed the blandishments offered by Modi to bring the Nano to Gujarat.

These make the incentives offered by the West Bengal government to the Tatas in Singur look tight-fisted. According to one estimate, tax-payers in Gujarat will be footing as much as Rs 60,000 per vehicle to make the Nano the car of the masses with a price tag of Rs 1 lakh.

It's a dream package that Modi is giving the Tatas: apart from the 1,100 acres of land and infrastructure sops, there is a soft loan of Rs 9,570 crore (Rs 95.7 billion) that is repayable over 20 years at an unbelievable 0.1 per cent rate of interest.

Facilities for solid-waste disposal and effluent treatment plants are to be developed by the state government which will also provide a dedicated power connection of 200 KW to the factory along with 14,000 cubic metres water daily. There are other dispensations, too.

The Nano project does not have to recruit 85 per cent of the workforce locally as the state industrial policy mandates.

How can one not love Modi if public money is to fund private industry to this extent? In the old days, industry was brought in to spur infrastructure and employment. That doesn't seem to be an overriding concern these days, and certainly not for Gujarat.

Attracting big-ticket industrial projects is essentially image-building that comes in handy at the time of elections. If you can get a Tata to set up the Nano factory outside Ahmedabad, does it really matter if children in the hinterland cannot read, write or count?

(TAKEN FROM REDIFF.COM )

ఎన్నాళ్ళీ మారణహోమం??

2008-11-10T08:05:00.002+05:30

నేను చాన్నాళ్ళ తర్వత రాస్తున్న టపా ఇది. డిసెంబర్ లోపు టపాలు రాయను అనుకున్న నాకు నిన్న జరిగిన ఒక సంఘటన ప్రేరేపించింది.. అదే జూలకంటి శ్రీనివాశరెడ్డి అలియాస్ మొద్దు శీను హత్య.

మన ముఖ్యమంత్రికి ఒక పేరుంది, తనకు నమ్మకస్తులు అనిపించినవారికి ఎన్ని అడ్డంకులు వచ్చినా వాళ్ళకి కట్టబెట్టల్సినవి కట్టబెడతాడని.. అలాగే తన విరోధులని, ఎదురుతిరిగిన వాళ్ళని ఎంత రిస్క్ చేసైనా అంతమొందించుతాడని. ఈ ముఠానాయకుడు మన ముఖ్యమంత్రి అయ్యాక జరిగిన హత్యల చిట్టా చేంతాడంత ఉంటుంది. ఇంత నిర్లజ్జగా, ఇంత నిస్సిగ్గుగా తన ప్రత్యర్ధులను ఒక ముఖ్యమంత్రి వంటి వాడు చంపుతున్నాడు అంటే అది మన ధౌర్భాగ్యం కాక మరేమిటి.

మొద్దు శీను హత్యకి మన "రాజశేఖరుని" ప్రతిస్పందన ఏంటంటే, ఈ హత్య జైల్లో జరిగింది కనుక అది తనకి సంభందం లేదంట!! మరి బయట జరిగిన పరిటల రవి లాంటి ఎంతో మంది తెలుగుదేశం నాయుకుల హత్యలతో సంభందం ఉందా ఈయనకు?? వాటికి మాత్రం ఇలా సమాధానమిస్తాడు. "ఎక్కడొ ఎదో జరిగితే దానికి నాకు సంభందం ఎంటి" అని?? ఒక జైల్లో అంత మంది పోలీసు సిబ్బంది మధ్య ఒక ఖైదీ హత్య జరిగింది అంటే ఇందులో ఎవరి హస్తమూ లేదంటారా?

పేద ప్రజలకి ఫించన్లు, ఇళ్ళు ఇచ్చాడని వీడి మీద (ఎక్కడో) ఉన్న అభిమానం కూడా నిన్న జరిగిన హత్యతో పోయింది. అసలు ఎప్పుడు చూసినా చిరునవ్వుతో కనిపించే ఈ ముఖ్యమంత్రి నవ్వులో ఇన్ని కుతంత్రాలా? ఎవడు ఏమనుకుంటే నాకేంటి? నేనెవరికీ రెస్పాన్సిబిలిటీ కాదు అన్న విధంగా ఉంది ఈ ముఖ్యమంత్రి, మరియు మంత్రుల తీరు. వోక్స్ వాగన్ కుంభకోణం తర్వాత బొత్స ఇచ్చిన సమాధానం గుర్తుందా? "ఏం సేత్తాము, సొమ్ములు పోనాయి" అని.. ఇంత నిస్సిగ్గుగా వ్యవహరించడంలో కాంగ్రెస్ పార్టీకి మించినవాళ్ళు ఎవరూ ఉండరు.

పోనీ తర్వత తెలుగుదేశం అధికారంలోకి(నిజానికైతే కలలో కూడా వచ్చే పరిస్తితులు ఆ పార్టీకి లేవు) వస్తే ఈ హత్యలమీద, కుంభకోణాల మీద విచారణ జరుగుతుందంటే అది కూడా మన మూర్ఖత్వమే అవుతుంది. కాంగ్రెస్ గెలవగానే తెలుగుదేశం పాలనపైన వేసిన విచారణా కమిటీలను గాలికొదిలేలా చేసి "ఇచ్చిపుచ్చుకునే" సంస్కృతికి తెరలేపారు. లేకుంటే తన ఇంట్లో ఇద్దరిని కాల్చి తీవ్రగాయలపాలు చేసిన "బాలయ్య" ఇప్పటికీ కటకటాలు లెక్కిస్తూ ఉండేవాడు.

తన ప్రత్యర్ధులని చంపించడానికి ఈ నాయకులు ఎంతమందిని పావులుగా వాడుకుంటున్నరో చూడండి.. పరిటాల రవిని చంపినప్పుడు "బావ కళ్ళలో ఆనందం" కోసమే ఈ హత్య చేసానని మొద్దు శీను చెప్పుకొచ్చాడు. తన కూతురిని మద్దెలచెరువు సూరి కోడలుగా చేసుకుంటాడు అని అనుకున్నాడు, కాకపొతే ఎప్పుడైతే శీను అప్రూవర్ గా మారిపోయాడో రవి హత్య వెనుక ఉన్న ఈ నాయకుల గుట్టు రట్టవుతుందనే భయంతో మొద్దు శీనుని చంపేసారు. మనం సినెమాలలో తప్ప బయట చూడలేని ఇలాంటి సన్నివేశాలని రాజశేఖరుని నిర్మాణంలో మద్దెలచెరువు సూరి చేసి చూపించాడు. మొద్దు శీనుని చంపిన 'ఓం ప్రకాష్'ని కూడ ఇలానే లేపేస్తారేమో!!

ఇన్ని హత్యలు చేసిన ముఠా నాయకుడు మళ్ళీ ముఖ్యమంత్రి అవుతాడా? అలా ఐతే మన రాష్ట్ర వోటర్లు నోటుకే తప్ప వోటుకి విలువ ఇవ్వరనే అనుకోవాలి. కరణ్ థాపర్ ఇంటర్వ్యూలో ఈ ముఖ్యమంత్రి ఎంత నిస్సిగ్గుగా నిజాలని దాచిపెట్టడానికి ప్రయత్నించి దొరికిపోయాడొ చూడండి. కరణ్ థాపర్ అడిగిన ప్రశ్నలకి సమాధానం చెప్పలేక ఒక చండాలపు నవ్వు నవ్వుతూ 'చంద్రబాబుని కోర్టులో కెసుపెట్టుకో'మంటున్న వీడి తెలివికి జోహార్లు.

సెలబ్రిటి ఎవరు? లెజెండ్ ఎవరు?

2008-10-15T18:44:00.000+05:30

ఈ క్రింది ఫోటోలు చూసి మీరే చెప్పండి, ఎవరు లెజెండో, ఎవరు సెలెబ్రిటీనో. ఈ ప్రశ్న అంత ముఖ్యం కాకపోయినా చిరు తొలిసారి చేస్తున్న ఈ యాత్రకి మా ఉత్తరాంధ్ర ప్రజలు బ్రహ్మరధం పడుతున్నారు. ఎక్కడ చూసినా చిరు గురించి మాట్లాడేవాళ్ళే కనబడుతున్నారు.

ఏది ఎమైనప్పటికీ మా ఉత్తరాంధ్రలో ప్రజారాజ్యం clean sweep చేయడం ఖాయం. విశాఖలో ఏ పార్టీకి కూడా పెద్ద పెద్ద నాయకులు తరాలుగా MLAలుగా, MPలుగా ఉంటున్న నాయకులు లేరు.అందుకే ఇక్కడ నూటికి నూరు శాతం సీట్లు గెలుచుకునే అవకాశం ప్రజారాజ్యంకి ఉంది. ఇక శ్రీకాకుళానికి వస్తే అక్కడ పెద్ద నాయకులు, తప్పకుండ గెలుస్తారనుకున్న కళావెంకటరావు (మాజీ హోం, మున్సిపల్ శాఖా మంత్రి), ప్రతిభా భారతి (మాజీ స్పీకర్) లాంటి నాయకులకు నియోజకవర్గ పునర్విభజన ఫలితంగా స్థానబ్రంశం తప్పట్లేదు. TDPలో పరిస్థితి ఇలా వుంటే కాంగ్రేసులో ధర్మాన ప్రసాదరావు కూడా గెలిచే అవకాశాలు లేవు. విజయనగరం పరిస్థితి కూడా దీనికి భిన్నంగా ఏమీ లేదు.

ఇన్నాళ్ళూ కంచు కోటగా ఉన్న ఉత్తరాంధ్రలో ప్రత్యేక తెలంగాణ నినాదాన్ని అందుకున్న TDPకి ఈ సారి డిపాజిట్లు గల్లంతైనా ఆశ్చర్యపోవల్సిన పనిలేదు. తెలుగుదేశం మాత్రం ఈ సారి కేవలం ఒకటో, అరో సీట్లతో సంతృప్తి పడక తప్పదు. ఒకవేళ బాలకృష్ణ, NTR లాంటి హీరోలు ప్రచారానికి వస్తే అది తెలుగుదేశానికి మరింత నష్టాన్నే మిగిలుస్తుంది, ఎందుకంటే ఇక్కడ జనం కూడా థొంబై శాతం చిరు, పవన్ అభిమానులే.

మీకు ఈ టపా మీద ఏ మాత్రం అనుమానం ఉన్నా ఈ ఎన్నికలవరకు ఆగండి.

ఇవన్నీ కేవలం నా అభిప్రాయాలు, నేను ప్రజారాజ్యం కార్యకర్తను కాను, చిరంజీవి అభిమానిని అంతకన్నా కాను. కాని నేను తొలిసారిగా వేస్తున్న వోటు(వోటు హక్కు వచ్చాక) మాత్రం ప్రజారాజ్యానికే.

దొంగలు "బాబో"య్ దొంగలు-2

2008-10-13T20:42:00.000+05:30

నిరాటంకంగా సాగుతున్న మన సత్యసాయి వ్యాపారానికి కూడా పోటీ వచ్చి పడింది ఈ బాలసాయిబాబా రూపంలో.

ఈ బాలసాయిబాబా ఆధ్యాత్మిక వ్యాపారం చేయడానికి కేరళ నుండి ఊడిపడ్డాడు. ఈయనగారు ఫ్లాష్ బ్యాక్లో బ్లాక్ లో టికెట్లు అమ్ముకునేవాడు. పాపం వ్యాపారం గిట్టుబాటు కాలేదేమో ఆయన కళ్ళు ఒక్కసారి ఈ లాభసాటి వ్యాపారం మీద పడ్డాయి.

ఇంకేముంది... ఈ ఐడియాను ఎలా అయినా implement చేద్దామనుకున్నాడు, కేరళ నుండి షిరిడికి ప్రయాణమయ్యాడు. షిరిడి నుండి రాగానే మనోడికి బాబా పూనేసాడు. ఇహ చూసుకోండి, ఈ ఐడియా ఈ బ్లాక్ టికెట్లు అమ్ముకునేవాడి జీవితాన్నే మార్చేసింది.

కేరళ నుండి కర్నూల్ కి మకాం మార్చాడు, భక్తులు కూడా భారీగానే రావడం మొదలెట్టారు. ఈ బాలసాయి( ఇలా బాలసాయి అని ప్రకటించుకునేనాటికి 35ఏళ్ళ కూచి) తానే నిజమైన సాయినంటూ ప్రచారం మొదలెట్టాడు. దీనితో వీడికి కూడా యూరోప్, అమేరికా మొదలైన ప్రాంతాలనుండి "పిచ్చోళ్ళ" ప్రవాహం మొదలైంది, ఇక మన రాష్ట్రం గురించి వేరే చెప్పనవసరం లేదు.

సీనియర్ బాబాలా కాకుండా ఈ "బాల"బాబా మీద మీడియా కొంచెం దృష్టి పెట్టిందనే చెప్పుకోవాలి. దానికి సాక్ష్యమే బాలసాయి బాబా మీద వేసిన చెక్ బౌన్స్ కేసు వెలుగులోకి రావడం. గత ఏడాది ఆగష్టు 9న కర్నూల్ ప్రిన్సిపల్ జూనియర్ సివిల్ జడ్జ్ కృష్ణమూర్తి బాలసాయి బాబా మీద అరెస్టు వారెంటు జారీ చేసారు( న్యాయస్థానానికి హాజరు కాకపోవడంతో జడ్జ్ గారు నాన్ బెయిలబుల్ అరెస్టు వారెంటు జారీ చేసారు ). ఈ సందర్భంలో "దేవుళ్ళైనా తప్పు చేస్తే బోనులో నిల్చోవల్సిందే" అంటూ జడ్జ్ వ్యాఖ్యానించారు.

ఈ సంఘటనతో బాలసాయి భీతిల్లి కొన్ని రోజులు అఙాతంలోకి వెళ్ళిపోయాడు. తర్వాత కేసు పెట్టిన వ్యక్థిని బుజ్జగించో, భయపెట్టొ, మభ్యపెట్టో కేసు ఉపస0హరించుకొనేట్లు చేసి అప్పుడు మళ్ళీ "ధైర్యం"గా జనం మధ్యకి వచ్చాడు(తన లాభసాటి వ్యాపారాన్ని కొనసాగించడానికి).

ఈ క్రింది వీడియో చూడండి, మన దొంగ బాబాల మధ్య పోటీ తీవ్రత మీకే తెలుస్తుంది.

ఈ బాలసాయి కొత్తగా ఎందుకు ఆలోచించడం అనుకున్నాడేమో, సీనియర్ సాయిబాబా మ్యాజిక్కులనే నిస్సిగ్గుగా చేయడం మొదలెట్టాడు. తన వేషధారణలోను(అదేనండి తలకి విగ్గు), మాటలలోను, చేతలలోను(మోసాలు,అక్రమ ధనార్జన) సీనియర్ సాయినే follow అవుతున్నాడు.

ఈ దొంగబాబాల వ్యాపారం మనదేశంలో ఒక మాఫియాగా తయారయింది. ఈ మాఫియాకి అధికారుల, పోలీసుల, రాజకీయనాయుకుల మద్దతు పుష్కలంగా ఉంది. విచారకరమైన విషయం ఏమిటంటే మన మీడియా కూడా వీటికి ప్రచారం కల్పిస్తోంది.

పొద్దున్న లేచి TV పెడితే చాలు, సత్యసాయో, బాలసాయో, సచ్చిదానందస్వామో, మాతా అమృతానందమయి, ఏ అమ్మా భగవానో దర్శనమిస్తారు. ప్రొద్దున్న లేవగానే ఈ దరిద్రపు మొహాలేంటని చానెల్స్ మారుస్తా వుంటే ఏ పాల్ గాడో లేక Y.S అల్లుడు అనిల్ గాడో సువార్త సభలంటూ మరో మోసపూరిత వ్యాపారంతో మనముందుకొస్తారు.

తదుపరి టపాలో కల్కి గురించి, కోర్కెలను త్యజించండి (ఒంటి నిండా నగలు ధరించి మరీ) అని చెప్పే వాడి భార్య గురించి కొన్ని విషయాలు చర్చించుకుందాం.

దొంగలు "బాబో"య్ దొంగలు

2008-10-03T19:42:00.000+05:30

మన ఆంధ్ర రాష్ట్రంలో ఎక్కడ చూసినా ఈ దొంగలు కనిపిస్తారు. కొందరు అధికారం ముసుగులో దోచుకుంటారు, కొందరు భక్తి అని, రక్తి అని దోచుకుంటారు. కాకపోతే ఈ రాజకీయదొంగలని ఎండగట్టడం కోసం చాలామంది ఉన్నారు. కానీ ఏ మీడియా కూడా ఏమీ చేయలేని దొంగలు కొందరు ఉన్నారు. ఇంతకీ ఈ దొంగలెవరనుకుంటున్నారా.. ఇంకెవరండీ మన బాబాలు.

షిరిడి సాయి స్ఫూర్తిగా(నిజానికి స్ఫూర్తి కాదు) ఒక బురిడి సాయి, ఆ బురిడి సాయి స్ఫూర్తిగా మరో జూనియర్ బురిడి సాయి, వీళ్ళిద్దరినీ తలదన్నేవిధంగా ఒక కల్కి. ఇక్కడ గుర్తుంచుకోవల్సిన విషయం ఏమిటంటే షిరిడి సాయి ఒక సాధారణమైన సాధువు. ఆయన ఇప్పటి బాబాల లాగ మ్యాజిక్కులు, జిమ్మిక్కులు చేసి బాబా అవ్వలేదు. నలుగురి మంచికి తాపత్రయపడే వ్యక్థుల్ని దేవుళ్ళని చేయడం ప్రపంచవ్యాప్తంగా ఉన్నదే. ఒకప్పుడు ఏసు, ఇప్పుడు షిరిడి సాయి. కాని ఈ భక్తినే ఈ దొంగ బాబాలు తమ వ్యాపారంగా చేసుకున్నారు. లక్షల కోట్ల రూపాయలు సంపాదించి తమ తప్పులని కప్పి పుచ్చుకోవడానికి చిన్న చిన్న సేవా కార్యక్రమాలు చేస్తున్నారు. వీళ్ళ వ్యాపారం ఎంతదాకా వచ్చిందంటే సినిమా థియేటర్లలో ప్రకటనలు ఇచ్చుకునేదాకా/ఇప్పించుకునేదాకా..
ఒక్కొక్క బాబా గురించి విపులంగా చర్చించుకుందాం

(అ)సత్య సాయి

-------------

ఈ దొంగ బాబాల వ్యాపారానికి మూలపురుషుడు ఈ సత్య సాయి. ఇతడు చిన్నప్పటినుండే మహా ఘటికుడండోయ్.. లేకపోతే అంత చిన్న వయస్సులో ఇన్ని లక్షల కోట్ల వ్యాపార రహస్యం ఎలా తెలుసుకోగల్గుతాడు. అసలు కేంబ్రిడ్జ్, హార్వర్డ్ లాంటి బిజినెస్ స్కూళ్ళకి ప్రొఫెసర్ అవ్వాల్సినంత గొప్పోడు. ఈ సత్య సాయి ప్రతి సంవత్సరం జరుపుకునే తన పుట్టిన రోజు కూడా నిజమైనది కాదు. ఇక ఇతని మ్యాజిక్కుల విషయానికి వస్తే సాధారణ మేజీషియన్లు కూడా అలాంటి మ్యాజిక్కులు చేయడానికి సిగ్గు పడతారు. సత్య సాయి తన చేతినుండి విభూది తీస్తే పి.సి.సర్కార్ స్వీట్లు తీసి చూపించాడు.

అతడు ఎంత చీప్ మెజీషియన్నో ఈ వీడియో చూడండి..

పై వీడియోలో ఈ బాబా గారు నోటిని తెరవకుండానే ఒక లింగాన్ని సృష్టించేసారు(ఎంతైనా దేవుడు కదా!!) అతగాడికి ఆ టవల్ ఎందుకో మరి.. ఇంత చెత్త మ్యాజిక్కులు ఏ మెజీషియన్ కూడా చేయడు, కావలిస్తే వాళ్ళనే అదగండి.

మరో వీడియో చూద్దాం..

అంతా బూడిద...

ఈ క్రింది వీడియో చూడండి, ఈ వీడియో కి చాలా చరిత్ర ఉందండొయ్. హైదరాబాద్లో లో కల్యాణమండపం కట్టించిన బాబాగారు నిర్మాణంలో పాలుపంచుకున్న వారికి ఇలా బంగారపు గొలుసులతో సత్కరించారు. ఈ కార్యక్రమానికి ప్రధాని(పి.వి.నరసి0హ రావు) రావడంతో అప్పటికి మన దేశంలో ఉన్న ఏకైక చానల్ డి.డి తన యూనిట్ తో చిత్రీకరించింది ఈ వీడియో. రాత్రి వార్తలకోసం edit చేసేటప్పుడు వాళ్ళకి ఈ బాబా "గొలుసు కోసం వెతుకులాట" విషయం తెలిసింది. సత్యమేవ జయతే అనే డి.డి ఇక్కడ సత్యాన్ని దాచిపెట్టి సత్య సాయి బాబా ని రక్షించింది.

ఈ బాబా గారు చేసేవి ఈ ఒక్క మ్యాజిక్కులే ఐతే ఎవరికీ ఏ సమస్యా లేదు, కానీ ఈయన గారికి ఎన్నో అవలక్షణాలు కూడా ఉన్నాయి. అతడి ఆశ్రమం లో జరిగిన జంట హత్యల కేసు ప్రభుత్వం గాలికొదిలేసింది. అప్పటి డి.జి.పి రిటైర్ అయ్యాక ఈ కేసు చేదించలేని తన చేతకానితనానికి(నిజానికి చేతకానివ్వలేదు) చాలా సిగ్గు పడ్డారు. సత్య సాయి మీద లైంగిక వెధింపుల కేసులు బోలెడు.

కొన్ని ముఖ్యమైన లింకులు చూడండి .

http://www.uni-giessen.de/~gk1415/sai-baba.htm

http://www.saiguru.net/english/articles/02guruaccused.htm

http://home.hetnet.nl/~comments_on/_the_secret_swami/_sai_baba.htm

http://web.archive.org/web/20031229133544/http://www.unesco.org/education/highlights/media_advisory.htm

http://saibaba-invigilator.blogspot.com/2008/07/sathya-sai-babas-birthdate-in-question.html

తదుపరి టపాలో బాల సాయి బాబా గురించి తెల్సుకుందాం.

అమెరికా సామ్రాజ్యవాదాన్ని అద్భుతంగా వివరించిన వీడియో

2008-09-14T12:29:00.000+05:30

అమెరికా అసలు రంగు

2008-09-09T20:55:00.000+05:30

"ప్రపంచంలో శాంతి నెలకొన్న రోజు ప్రపంచపటంలో అమెరికా కనిపించదు " ఈ మాటలన్నది సాక్షాత్తు ఒక అమెరికా అద్యక్షుడు . ఈ ఒక్క వ్యాఖ్యలోనే అమెరికా గురించిన ఎన్నో విషయాలు తేటతెల్లమవుతాయి. అమెరికాకి వచ్చే ఆదాయంలోఅధిక భాగం ఆయుధ వ్యాపారంతోనే వస్తుంది. అటువంటి అమెరికా శాంతి కోసం ప్రయత్నిస్తుంది అంటే నమ్మడం చాలా హాస్యాస్పదంగా వుంటుంది. ఇక అమెరికాతో అణుఒప్పందం విషయానికి వస్తే మన నాయకులు జాతి ప్రయోజనాలకంటే స్వార్ధ ప్రయోజనాలకే పెద్దపీట వేసి మరోసారి మన విదేశాంగ విధానాన్ని అభాసుపాలు చేసారు. నేను ఇంతకముందు రాసిన "ఉంటుందా మన స్వాతంత్ర్యం?" అనే టపాలో పేర్కొన్న విషయాలు కొన్ని రోజుల తేడాలోనే నిజమని అమెరికా నిరూపించింది. అణుఇంధనం సరఫరా చేసే దేశాల సంస్థ అయిన ఎన్.ఎస్.జి కి భారత్ ఫై కఠిన ఆంక్షలు విధించమని కోరింది. తమ సెనేట్ కి సమర్పించిన ఒక డాక్యుమెంట్ లో ఈ అణుఒప్పందానికి సంభందించిన అసలు స్వరూపాన్ని బయటపెట్టింది.
ఇకనుండి మన దేశం ఎటువంటి అణు పరీక్షలు నిర్వహించకూడదు . కాదు, కూడదు అని నిర్వహిస్తే మన దేశానికి అణు ఇంధన సరఫరాని అమెరికా నిలిపి వేస్తుంది. ఇక అణు విద్యుత్ కి సంబందించిన సాంకేతిక పరిజ్ఞానాన్ని మన దేశానికి బదిలీ చేయదు. ఇక ఈ అణువిద్యుత్ కర్మాగారాల నిర్మాణానికి ప్రపంచ బ్యాంకు అప్పు ఇస్తానంటూ ముందుకొస్తుంది. మరోసారి ఆర్ధిక దళారీలు రంగప్రవేశం చేస్తారు. అంచనాలను రెట్టింపు చేసి అధిక అప్పులిస్తారు, ఆ కాంట్రాక్టులు తమ దేశానికే చెందిన కంపెనీలకు కట్టబెట్టిస్తారు. ఇలా ప్రపంచ బ్యాంకు ఖాతాలనుండి డబ్బు అమెరికా కంపెనీల ఖాతాలలోకి చేరుతుంది. తీరని అప్పులు మాత్రం మన దేశానికి మిగులుతాయి. అత్యంత ఖరీదైనది, ప్రమాదకరమైనది ఐన అణు విద్యుత్ తో మన నాయకులు ఏం సాదిద్దామనుకున్నారో తెలీదు కాని సంక్షేమ పథకాలకి చేరాల్సిన సొమ్ము కాస్త ఈ అణు విద్యుత్ కర్మాగారాల నిర్మాణానికి, అణు ఇంధనం కొనడానికి దారిమల్లబోతుంది.
"ఒక దళారి పశ్చాత్తాపం" అనే నవల చదవండి, ఆర్ధిక దళారిగా పని చేసిన జాన్ పెర్కిన్స్ అమెరికా క్రూరత్వాన్ని బట్టబయలు చేసాడు. ఈ నవలలో "అమెరికా అసలు రంగు" కనబడుతుంది. భారత్ లాంటి దేశాలలో కొత్త అవసరాలని సృష్టించి వాటిని తీర్చుకునేందుకు అప్పులు ఇస్తుంది ప్రపంచ బ్యాంకు. ఈ కొత్త అవసరాలు ఎలా వుంటాయంటే సామాన్యంగా జనం కోరుకునేదానికన్నా రెట్టింపు అవసరం వున్నట్లు ఈ దళారీలు చూపిస్తారు. మొదట దేశాధినేతలను నమ్మిస్తారు, నమ్మకపోతే ప్రలోభాలు పెడతారు, ప్రలోభాలకు లొంగకపోతే అప్పుడు సి.ఐ.ఎ గుంట నక్కలచేత అంతమొందిస్తారు. కాకపోతే మన భారత్ లాంటి దేశాలకి మొదటి రెండింటితోనే సరిపెడతారు, ఎందుకంటే మన నాయకులు వాళ్ళకి అంతకన్నా అవకాశం ఇవ్వరు. తొమ్మిదేళ్ళపాటు చంద్ర బాబు ప్రపంచ బ్యాంకు ఏజెంట్ గా వుంటే ఈ నాలుగేళ్ళుగా మన వై.ఎస్. ఆ బాధ్యతలని తీసుకున్నాడు. తదుపరి వచ్చే ముఖ్యమంత్రి ఎవరైనా సరే ఇదే పద్దతి కొనసాగుతుందనడంలో ఎటువంటి అతిశయోక్తి లేదు.

ఇక అమెరికాకి వ్యతిరేక పోరాటాలు చేస్తే వారి గతి ఏమవుతుందో అందరికీ తెలిసిందే. చే గువేరా లాంటి యోధుల్ని అమెరికా చంపించింది. ఇక అమెరికా బలితీసుకున్న దేశాధ్యక్షుల జాబితా చేంతాడంత వుంటుంది. జైమేరోల్దోస్, ఒమర్ తోరిజోస్, మిలోసెవిచ్, సద్దామ్ లాంటి ఎందఱో దేశాధ్యక్షులని అమెరికా చంపించింది. ఈ హత్యలు ప్రత్యక్షంగానో లేక పరోక్షంగానో నిరాటంకంగా సాగుతూనే ఉన్నాయి.
అమెరికా మాట వినకుంటే సాగే దుష్ప్రచారం అంతా ఇంతా కాదు. అమేరికా మీడియా ఎలాంటి నాయకుడినైనా 'నియంత 'గా చిత్రీకరించడంలో సిద్దహస్తురాలు. మన దేశంలో ఇప్పటికీ నియంతలుగా భావించే స్టాలిన్, సద్దాం వారిలో కొందరు. మంగోలీలను ఏకం చేసిన చెంఘిజ్ ఖాన్ కుడా అమెరికా మీడియా ద్రుష్టిలో నియంతే. ఇలా చరిత్రలో తమకంటూ ఒక స్థానం నిలుపుకున్న ఇలాంటి మహా వ్యక్తులను కూడా అమెరికా విడిచిపెట్టదు.

ఈ అగ్ర రాజ్యం అరాచకాలు మరో ప్రపంచ యుధ్ధం వరకు కొనసాగుతాయేమో!!

ఉంటుందా మన స్వాతంత్ర్యం..???

2008-08-29T00:40:00.000+05:30

అలీన దేశాల నాయకురాలిగా భారతదేశానికున్న ప్రత్యేకతను మంట కలుపుతూ అమెరికా తో అణుఒప్పందం చేసుకున్న రోజే మన స్వాతంత్ర్యం మంటగలిసి పోయింది. ఇతర దేశాలన్నీ అణు వినియోగానికి స్వస్తి చెపుతుంటే మన నాయకులు మాత్రం అణు విద్యుత్ కోసం వెంపర్లాడటం బాధాకరమైన విషయం. సామ్రాజ్యవాద అమెరికా తో చెలిమి ఏ దేశానికీ మేలు చేయదన్న సంగతి జగమెరిగిన సత్యం, కాని మన నాయకులకు ఇవేవీ పట్టకపోవడం మన దేశప్రజల దురద్రుష్టం . మన ప్రధాని మన్మోహన్ అయితే బుష్ చేత ఎర్రకోట మీద త్రివర్ణ పతాకాన్ని ఎగరేసినంతవరకు నిద్రపొయేట్లు లేరు. ఇలాంటి ఒప్పందాలు కుదుర్చుకుంటే చివరికి మనకి ఇలాంటి గతే పడుతుంది. ఇలాంటి రాజకీయ నాయకులు మనల్ని పాలిస్తున్నందుకు మనం సిగ్గు పడాలి. కాని గుడ్డి కంటే మెల్ల నయం అన్నట్లు కరడు గట్టిన హిందూ మత చాంధసవాది అయిన BJP ని గద్దెనెక్కించకుండా వుండేందుకు మనకి చచ్చినట్లు ఇలాంటి పార్టీలకు వోట్లు వేయాల్సి వస్తోంది.

ఈ అణు ఒప్పందం విషయానికి వస్తే మన దేశ విద్యుత్ అవసరాలలో 10శాతం కూడా తీర్చలేని ఈ అణు ఒప్పందం కొసం మనం కోల్పోయేది మాత్రం లక్షల కోట్ల రూపాయల ప్రజా ధనం. రష్యాలోని చెర్నోబిల్ అణుప్రమాదం తర్వాత ప్రపంచ దేశాలన్ని అణు విద్యుత్ కు స్వస్తి చెబుతుంటే మన పాలకులు మాత్రం అణు ఒప్పందంతో అమెరికాకు తోకగా మారేందుకు ఉబలాటపడుతున్నరు. తాత్కాలిక కాలానికి ( దాదాపు 25ఏళ్ళు ) విద్యుత్ ని సరఫరా చేసే ఈ కేంద్రాల నిర్మాణానికి కొన్ని వేల కోట్ల రూపాయలు వెచ్చించాల్సి ఉంటుంది. ,ఇంధనం కొనడానికి కొన్ని వేలకోట్లు కలిసి మన ఆర్ధికరంగంపై పెనుభారం పడనుంది. అసలే అంతంత మాత్రంగా ఉన్న మన ఆర్ధిక పరిస్థితి దీనితో మరింత దిగజారడం ఖాయం. ద్రుతరాష్ట్రుడి కవుగిలి లాంటి అమెరికాతో చెలిమి మనకి ఎన్ని తంటాలు తెచ్చిపెడుతుంది అంటే అంతర్జాతీయంగా భారత్ ఏకాకిగా మారే సూచనలు ఉన్నాయి. రష్యాతో దశాబ్దాలుగా సాగుతున్న చెలిమికి ఇది ఆటంకంగా మారొచ్చు. ఇరాన్ తో పైప్ లైన్ విషయంలో అమెరికా అడ్డు చెప్పే అవకాశం ఉంది. చైనాతో మన చెలిమి ఇప్పటికే అంతంతమాత్రం, దీనితో చైనా-భారత్ సంభందాలు మరింత క్షీణించే అవకాశం ఉంది. అమెరికాని వ్యతిరేకించే దక్షిణ అమెరికా దేశాలు అలీన ఉద్యమ నేతగా భారత్ ని ఎంత మాత్రమూ అంగీకరించవు. సిరియాలాంటి దేశాలతో బలపడుతున్న సంభందాలకు కూడా ఆటంకం కలుగుతుంది. ఒక వేళ మన రెండు దేశాలు సంభందాలు కొనసాగించాలనుకున్నా మన విదేశాంగ విధానంలో అమెరికా శకుని పాత్ర పోషిస్తుందనడంలో ఎటువంటి అతిశయోక్తి లేదు.

అసలు ఈ అణుఒప్పందం ద్వారా మనకి ప్రత్యక్షంగా కలిగే సమస్యలు గురించి చర్చించుకుందాం . ఈ అణుఒప్పందం వలన మన దేశం లోని చాల అణు రియాక్టర్లు ఐ.ఎ.ఈ.ఎ పరిశీలనా పరిధిలోకి వస్తాయి. అంటే వాటి స్వాతంత్రత పోతుందన్నమాట. ఐ.ఎ.ఈ.ఎ అంటే అమెరికా కనుసన్నల్లో నడిచే ఒక అంతర్జాతీయ సంస్థ. ఈ అంతర్జాతీయ అణు ఇంధన సంస్థ ప్రపంచ వ్యాప్తంగా అణు రియాక్టర్లను పరిశీలిస్తూ వుంటుంది. అంటే అణు ఆయుధాలకోసం ఏ దేశమూ ఇంధనాన్ని ఉపయోగించకుండా చూడటం దీని పని, ఆ పని పేరుతో ఈ సంస్థ ఇష్టం వచినట్లు తనిఖీలు చేస్తుంటుంది. ఇక మన దేశం అణు ఆయుధాలని తయారుచేసే అధికారాన్ని శాశ్వతంగా కోల్పోతుంది. బయటకి మన ప్రధాని ఎన్ని ప్రగల్బాలు పలికిన చివరికి జరిగేది ఇదే. ఈ ఒప్పందం లో ముఖ్యాంశం ఏమిటంటే అమెరికా చేతిలోనున్న హైడ్ చట్టం. ఈ చట్టాన్ని ఉపయోగించి వాళ్ళు ఎప్పుడైనా ఒప్పందానికి మార్పులు చేర్పులు చేయగలరు మరియు ఈ ఒప్పందానికి సంభందించిన న్యాయ సంభంద విషయాలన్నీ అమెరికా న్యాయపరిధిలో వుంటాయి. అంటే మనం ఏ సమయంలో కూడా ఒప్పందం మీద మన అధికారాన్ని చూపలేము.

ఒకసారి ఇజ్రాయిల్ గురించి మాట్లాడుకుందాం. మనకి స్వాతంత్ర్యం వచ్చేనాటికీ ఇజ్రాయిల్ అనే దేశం ప్రపంచ పటం లో లేదు. ఒక శరణార్ధి శిబిరంగా ప్రారంభమైన ఇజ్రాయిల్, తనకి నీడనిచ్చిన పాలస్తీనా నే మింగేసింది. ఇప్పుడు పాలస్తీనా వాసులు వారి గడ్డమీదే శరణార్ధులుగా మిగిలారు. అమెరికా అండతో ఇజ్రాయిల్ చేస్తున్న అకృత్యాలు ఇన్ని అన్ని కావు. అలాంటి అమెరికాకి కొంచెం అవకాశం ఇచ్చినా సరే వామనుడిలా మనల్ని తోక్కేయడం ఖాయం. అణు ఒప్పందం విషయంలో మన మేధావులు మేత ఆవులకన్నా ఘోరంగా వ్యవహరిస్తున్నారు. ఎలా ఐతేనేం మన సభ్యులు అమ్ముడుపోయి మరీ అణుఒప్పందానికి ఓ.కే చెప్పారు. ఇక మన స్వాతంత్ర్యం నిలుపుకోవడం మన చేతుల మీద ఉంది. మరొక స్వాతంత్ర్య పోరాటం వస్తే కనక ఇప్పుడు ఎంత మంది భగత్ సింగ్ లు ప్రాణాలు అర్పించడానికి సిద్ధంగా ఉంటారు?? నేనయితే ఎప్పుడూ సిద్ధంగా ఉంటాను. మరి మీరు??

ప్రజారాజ్యం

2008-08-26T20:00:00.000+05:30

మెగాస్టార్ ఎట్టకేలకు తన పార్టీ పేరుని, జెండాను, అజెండాను ప్రకటించారు. తన పార్టీ పేరుని ప్రజారాజ్యం గా నామకరణం చేసిన మెగాస్టార్, సభ ఆద్యంతమూ తన చరిష్మాతో, వాక్చాతుర్యంతో సభకు వచ్చినవారినే కాకా టీవీలకు అతుక్కుపోయినవారిని కూడా ఆకట్టుకున్నారు. తనది ప్రజల చేత, ప్రజలకొరకు నడిచే పార్టీగా తెలపడానికి ఈ ప్రజారాజ్యం పేరుని చిరు ఎంచుకున్నారు. పదిలక్షలు( అంచనా) పైగా జనం హాజరైన ఈ సభ కనీ వినీ ఎరుగని రీతిలో బ్రహ్మాండంగా జరిపించడంలో సక్సెస్ అయ్యారు. సున్నితమైన అంశాలను తనదైన రీతిలో చెప్పిన మెగాస్టార్ 'నొప్పించక తానోప్పక' అన్న రీతిలో ప్రసంగించి ప్రతిపక్షాలకు విమర్శలు చేసే అవకాశం ఇవ్వకుండా జాగ్రత్తపడ్డారు.

ఇక 'ప్రజారాజ్యం' అజెండా కి వస్తే

* గ్రామస్వరాజ్యం
* కార్మికులకి, కర్షకులకి, మహిళలకి, యువతకి అధిక ప్రాధాన్యం.
* మద్యపాన నియంత్రణ
* నక్సలిజం సమస్య పరిష్కారం
* అవినీతిని అంతమొందించడం
* సామాజిక న్యాయం
* ఆర్ధిక సమానత్వం సాధించడం
* ఆర్ధికంగా వెనకబడిన వర్గాల వారికి కుల, మతాలకి అతీతంగా రిజర్వేషన్లు
జెండా గురించి..
* జెండాలో ౩ ఒంతులు తెలుపురంగు వుంటుంది, ఈ భాగంలోనే సూర్యుడు బొమ్మ ఇరవై నాలుగు కిరణాలతో ఉంటుంది.
* జెండాలో కింది భాగం అంటే మిగిలిన ఒక ఒంతు పచ్చ రంగు ఉంటుంది.
* సూర్యుడు విప్లవానికి, మార్పుకి సూచన.
* సూర్యుని ఇరవై నాలుగు కిరణాలు, జనం కోసం తమ పార్టీ ఇరవై నాలుగు గంటలూ పని చేస్తూనే ఉంటుందనడానికి గుర్తు.
* తెలుపు రంగు అన్నింటిని తనలో ఇమిడ్చుకోగలదు అనడానికి గుర్తు.
* పచ్చ రంగు పాడి పంటలను గుర్తుచేస్తుంది, తమ పార్టీ వ్యవసాయానికి సమ ప్రాధాన్యం ఇస్తుందని ఈ గుర్తు ద్వారా తెలియజేసారు.

నా కోసమే నా అన్వేషణ...

2008-08-25T20:25:00.000+05:30

అవును నా కోసమే నా అన్వేషణ..

నన్ను నీకు అర్పించాక, నాకంటూ ఏమి లేక , నీలోని నాకై నే సాగిస్తున్న అన్వేషణ.

అణువణువునూ బాధిస్తున్న గతాన్ని మరువలేక, ఉప్పెనలా ఉరుకుతున్న కన్నీరుని ఆపుకోలేక, ప్రపంచపు అంచులని చేరి తనువు చాలించాలని నాకోసం నేను చేస్తున్న అన్వేషణ.

మూటగట్టి మూలనపడేసిన ఆనందాన్ని ముట్టుకోలేక, ఎదని గుచ్చి చంపుతున్న వ్యధని
తట్టుకోలేక, నా ఈ పరిస్థితికి (నాలోని) నిన్ను తిట్టలేక నన్ను అంతమొందించుకొనేందుకే నా ఈ అన్వేషణ.

నీ తలపులతో నిండిన మది గదికి గడిని వేయలేక, నీ ఊసులతో నిండిన ఊపిరిని బిగపట్టి ఆపలేక,
నీ ప్రణయమై చేరిన ప్రళయంలో కొట్టుకు పోయేందుకు చేస్తున్న అన్వేషణ.

నీ 'చే' పట్టిన చేతులతో ఏ కార్యమూ తలపెట్టలేక, నను కట్టిపడేసిన పరాజయాల పని పట్టలేక , నిస్సహాయుడినై , నిష్క్రమించేందుకే ఈ అన్వేషణ .

బాక్సు బద్దలవుద్ది....

2008-08-23T06:54:00.000+05:30

చాలా ఏళ్లక్రితం రిలీజ్ అయిన ఒక సూపర్హిట్ సినిమా లో డైలాగ్ ఇది. బహుశా ఆ సినిమా రిలీజ్ అయిన టైం లో నేను ఇంట్లోనో లేక బడిలోనో 'అ ఆ'లు నేర్చుకుంటూ ఉండుంటాను. ఆ డైలాగ్ బహుశా బాక్స్ఆఫీసు ని ఉద్దేశించి అనున్డొచ్చు కానీ మళ్లీ ఆ డైలాగ్ ని ఈ మధ్య మెగాభిమానులు తరుచూ వాడుతున్నారు. ఈసారి వాళ్ల ఉద్దేశం మాత్రం బ్యాలెట్ బాక్సులు బద్దలవుతాయని... వాళ్ల నమ్మకం అలాంటిది మరి. వాళ్ళే కాదు నేనున్న ఉత్తరాంధ్రలో ఎక్కడ చూసినా ఇదే వాతావరణం కనిపిస్తోంది. కరువుతోను, లేమితోను అల్లల్లాడే ఇక్కడి ప్రజలకు ఒక మెగానాయకుడు ఉద్భవించాడని 'చిరు'నమ్మకం కలిగింది. ఇక్కడే కాదు నాకు తెలిసి రాష్ట్రం మొత్తం మీద ప్రజానికమంతా ఎవరో వస్తారని, ఏదో చేస్తారని ఎదురు చూస్తున్నారు. వాళ్ల నమ్మకం వృధాకాదని చెప్పి తొలి ప్రయత్నంలోనే 'చిరు'విజయం సాధించారు.
ఇక మన రాష్ట్ర రాజకీయాలకు వస్తే,ఒక బలమైన అధికారపక్షం, దానిని ఎంతమాత్రమూ ఎదుర్కోలేని ప్రతిపక్షము, ఎప్పుడు ఏంమాట్లాడతారో తెలియని నాయకుడు ఉన్నఒక ఉప ప్రాంతీయ పార్టీ, ఎప్పుడూ ఏదో ఒక పార్టీకి తోకగా మారే రెండు కమ్యూనిస్ట్ పార్టీలు, ఒక్క సీట్ గెలుచుకోడానికేతంటాలు పడే మరో జాతీయపార్టీలతో అసమతూకంగా ఉంది. ఇలాంటి పరిస్థితులలో ఒక గొప్ప నాయకుడి ఉద్భావన అధికారపక్షానికి సవాలు విసురుతోంది. నాతో కొద్దిమంది అన్నారు " ఆ... వీడు కూడా మనల్ని ఇప్పటినాయకులలాగే దోచుకున్టాడులే" అని. వాళ్ళకి నేను చెప్పిన సమాధానం ఒక్కటే "మార్పు అనేది ఎప్పుడూ మంచే చేస్తుంది. ఒక అవకాశం ఇవ్వకుండానే మనం ఎలా చెప్పగలం ఆయన కూడా
ఆ జాబితాలో చేరిపోతారని? ఇప్పుడు మనల్ని ఏలుతున్న ఫ్యాక్షనిస్ట్ ల కన్నా, కుల గజ్జి పట్టిన నాయకుల కన్నా, ఆర్ధికపరిస్థితి ని అంచనా వేయకుండా అమలు కాని వరాలిచ్చే నాయకులకన్నా ఒక కొత్త నాయకుడు ఎంతైనా ఉపయోగకరం " . మన ముఖ్యమంత్రి లాంటి ఎంతో ధైర్యవంతుడు కూడా ఈ మధ్య హడావిడిగా బి.సి.లకు ఎన్నో వరాలు ప్రకటించారంటే అది 'మెగా'భయం కాక ఇంకొకటి కాదు. కనీసం ఇలా అయినా దశాబ్దాలుగా రాజ్యాధికారానికి దూరమైన బి.సి.లకు న్యాయం జరుగుతోందంటే అది కచ్చితంగా ఒక కొత్త శక్తి రాకవాలనే.
ఎన్నో ప్రజాకర్షక పధకాల్ని ప్రకటిస్తున్న మన ముఖ్యమంత్రి అవి ప్రజల చేతి వరకు చేరుతున్నాయో లేదో తెలుసుకోవడం లో పూర్తిగా విఫలమయ్యారు. మన రాష్ట్రాన్ని పీడిస్తున్న అతిపెద్ద సమస్య మద్యపానం. వంద రూపాయలు సంపాదించే కూలి అందులో అరవై రూపాయలు మందుకోసమే పోస్తే ఇంకా ఆ కుటుంబం బ్రతికేదేట్లా ?? మద్యపానం ద్వారా 50000 కోట్ల రూపాయలవరకు సంపాదిస్తున్న రాష్ట్ర ప్రభుత్వం ప్రభుత్వ ఆసుపత్రులలో మందుల కోసం వెచ్చించేది మాత్రం కేవలం 100 కోట్ల రూపాయలు. మద్యపానమే ఏకైక ఆదాయ వనరుగా భావిస్తున్న మన ప్రభుత్వం ఎంతమంది పేదప్రజల ఉసురు పోసుకుంటోందో ప్రత్యేకంగా చెప్పనక్కర్లేదు. సిటీలలో ఐదంకెల జీతం సంపాదించేవాళ్ళకి ఇదంతా వెటకారంగా ఉండి ఉండొచ్చు కాని ఒక పూట తిండికే నానా అవస్థ పడే పేద ప్రజల బాధ మనం అర్ధం చేసుకోవాలి. సామాన్య జనం ఈ మెగాస్టార్ నుండి ఆశిస్తుంది లక్షలు, కోట్లు కాదు. మద్యపానం మాటే లేని ఒక ఆంధ్రప్రదేశ్ ని....ఇంకా చెప్పాలంటే ఒక 'సంతోష 'ఆంధ్రప్రదేశ్ ని.

రోజుకొక మాట...

2008-08-20T22:47:00.000+05:30

రోజుకొక మాట తూటాలా నన్ను చీలుస్తుంటే...

కట్లు కట్టే చేతులు కోటి ఉన్నా చేయి పట్టే చెలికై ఎదురు చూస్తుంటే...

చే పట్టే ప్రతీది చేయి జారి పడి పగులుతుంటే...

వేసే ప్రతి అడుగు పది అడుగుల మేర నన్ను పాతాలానికి పడేస్తుంటే...

బ్రతకాలన్న ఆశను నిరాశల వాన నీరుగారుస్తుంటే...

ఏమీ చేయలేక ఏం చేయాలొ తెలియక దిక్కులు చూస్తుంటే...

లోకం అంతా నన్ను పిచ్చోన్ని అంటోంది..

నీ స్నేహం నా ప్రేమని సమాధి చేస్తోంది...

సరదాకి...

2008-08-14T22:32:00.000+05:30

స్టూడెంట్: మొత్తం మీరే చేసారు. ఇంక చాలు సర్, మీరు మాకు ఇచ్చిన టఫ్ కొశ్చిన్ పేపర్స్ ఇంక చాలు! మీ పేపర్స్ వల్ల జీవితంలో చాలా కోల్పోయాము.
ప్రొఫెసర్: నా వల్లా..? యేం కోల్పోయావురా..?
స్టూడెంట్: ఇంకా అర్ధం కాలేదా మీకు? ఈ కాలేజ్ లో జాయిన్ అవ్వడానికి ముందు నాలో ఉండేది, ఇప్పుడు లేనిది, యేంటో తెలుసా…? “పాస్ అవ్వటం”....! చిన్న చిన్న పరీక్షల్లో కూడా ఫెయిల్ అయ్యాను మీ వల్ల.... ఈ కొశ్చిన్ పేపర్స్ మీరే సెట్ చేస్తారు.. ఈ పేపర్ చాలా ఈజీ అని మీరు నన్నే కన్విన్స్ చేస్తారు.. నాకు ఎలా ఉంటుందో తెలుసా "దానిని చింపి విసిరేసి", నాకు ఒక్క ముక్క కూడా రాదు అని అరవాలనిపించేది.. పరీక్ష రాయి అంటారు.. నేను ఏదో రాద్దామని వస్తే.. మీరు నన్ను ఫెయిల్ చెయ్యాలని చూస్తారు.. పేపర్ లో చాయిస్ ఇవ్వరు..ఏ కొశ్చిన్ కి ఏ ఆన్సర్ రాయాలొ కూడా మీరె చెప్తే ఇంక నేను ఎందుకు సర్ రాయడం..చివరికి నేను క్లాస్ లో ఎలా కూర్చోవాలో కూడా మీరే చెప్తే, బుర్రకి ఏమి ఎక్కడం లేదు సర్..కష్టమైన పేపర్ సెట్ చెయ్యటం లో ఉన్న ఆనందం ఏంటో మీకు తెలుసు. కానీ పేపర్ లో చదివిన కొశ్చిన్స్ లేకపొతే కలిగే బాధ ఏంటో మీకు తెలియదు ...
(బొమ్మరిల్లు సినిమా తర్వాత ఆ డైలాగ్ కి వచ్చిన రకరకాల పేరడీలలో ఇది కూడా ఒకటి.)

మల్టీ లెవెల్ మార్కటింగ్ సంస్థలపై యుధ్ధం...

2008-08-13T11:43:00.000+05:30

మల్టీ లెవెల్ మార్కటింగ్ సంస్థలపై కొన్ని ఆంగ్ల బ్లాగులు మరియు సైట్స్ లో పొందుపరిచిన కొన్ని విషయాలను ఇక్కడ ఇస్తున్నాను.

All Multilevel marketing schemes are money circulation schemes
--------------------------------------------------------------
All multilevel marketing schemes, whether it is Amway, Herbalife, Tianshi, GoldQuest, eBIZ, or V-Can Network, are money circulation schemes being conducted in the guise of product sales. The camouflage may vary from scheme to scheme and company to company but they are illegal attracting the provisions of the Prize Chits & Money Circulation Schemes (Banning) Act, 1978.
For instance, Amway claims that its business is direct selling. It promised to the Government of India that it would bring in foreign direct investment into the country. As per the information furnished by the Reserve Bank of India, from 1994 to 2006, the Amway has brought in only Rs. 18 crore of foreign investment. But it stated in the affidavit filed by it in the writ petition before the Andhra Pradesh High Court that it invested in excess of US$35 million (151 crore) in India which is patently false.
The term direct selling presupposes that there is no intermediary between the manufacturer and end-consumer. Commencing its commercial operations in India, the Amway, instead of selling goods direct to the end-consumer, has floated this multilevel marketing scheme of enrolling members by sponsoring and introduced many intermediaries in the name of distributors, encouraged its members to sell the articles with retail profit of 20 per cent apart from other performance bonuses. In fact, the Amway is not selling the products direct to the end-consumer. The truth is that the consumer cannot purchase products direct from Amway without becoming its distributor.
Let us explore more of its exploitations in the next instalment.
(taken from www.corporatefraudswatch.blogspot.com)

Fraudsters come up with another money circulation scheme like Amway
---------------------------------------------------------------------

Congratulations to the Warangal police under the able guidance of the star police officer, Viswanath C. Sajjanar who busted another racket. This time it is a computer education company which indulged in money circulation scheme in the name of giving computer education to the youth. The modus operandi is same that of Amway which has been into money circulation scheme in the name of selling products.
On 05.08.2008 basing on a specific complaint, a case has been registered vide Cr.No. 338/08 U/s 385, 420 and 34 of IPC and Sec 4, 5 & 6 r/w 2 (c), 3 of Prize Chits and Money Circulation Scheme (Banning) Act, 1978 of PS Hanamkonda against “eBIZ.com Pvt Ltd.”, Pavan Malhan, Managing Director of eBIZ.com Pvt. Ltd., Ayyappa Swamy, Aditya Bhogaraju, Mohith Manjunath, Rajesh Kumar, Phani Kumar etc.
The complaint reveals that the complainant was trapped by eBIZ.com members and they induced him to become its member. After taking membership he was initially asked to enroll further members to get more commissions. Later on he was harassed mentally in this regard. The complainant further explained about the details of the scheme which involves enrollment of members, commission earned and also the titles given to various members depending on their enrollment.
eBIZ.com Pvt Ltd. has started its business in India from 2001 headed by one Pavan Malhan with its Head Office at Noida, U.P., and started promoting computer educational programme. In the name of computer educational programme, they have schemes which are in the nature of enrollment of members.
To become a member of the scheme, a person has to pay Rs. 7, 585/-. Then the member has to further enroll more members to earn more commission. The enrollment is as per Binary plan.
If the associate sells eBIZ educational programme and web first 3 packages with 1/3:2/3 ratio under him he will get Rs.2000/-, for next 3 sales he will get Rs2000/- with 1/3:2/3 ratio, for another 3 sales he will get another Rs2000/- and this will become a cycle of 9 Sales and the associate will get a total of Rs.6000/- and for the 2nd, 3rd, 4th, 5th cycles of each 9 sales, the associates will get Rs. 3000/- for each cycle. For the 6th cycle of 5 sales the associate will get Rs. 8.000/- and the total sales will become 50 which is also called an ORBIT and the total sum of Rupees earned by the associate will become Rs. 26,000/-. From the 2nd Orbit onwards the associate will earn for 1st, 2nd, 3rd, 4th, 5th cycles of each 9 sales get Rs. 2,500/- each and for the 6th cycle of 5 sales the associate will get Rs. 7,500/- and the total sales become 50 and the earning for the 2nd Orbit will become Rs. 20,000/-. Thus depending upon the enrollment the chain continues and the member continues to get commissions.
Depending upon number of members enrolled, the members are given fancy names like:-
Silver Associate, Gold Associate, Diamond Associate, Diplomat, Silver Diplomat, Gold Diplomat,Diamond Diplomat, Ambassador, Silver Ambassador, Gold Ambassador, Diamond Ambassador, Chairman Circle.
1st Step 3 Sales: one gets Rs.2000 with sales in the ratio of 1/3 : 2/3
2nd Step next 3 Sales one gets Rs.2000/- with sales in the ratio of 1/3 : 2/3
3rd Step next 3 Sales one gets Rs.2000/- with sales in the ratio of 1/3 : 2/3
Thus every member of eBiZ.com Pvt Ltd., tries to enroll new members and thus accumulate sales, orbits so as to enable them to become Sliver Associate and thus go up the ladder to become Diamond Diplomat to Chairman Circle and so on. If he/she fails to get further enrollment, then the member tries to make his own sales to accumulate orbits and be in the rat race.
The members also arrange meetings in star hotels, big hotels with entrance fee for luring and inducing public.
Further people specially the middle class, innocent students are lured into such schemes and thus they contribute money and waste their precious time to such schemes and thereby set up a chain of further contributors, from each of whom the original contributor will get back an amount of money he had initially paid to the scheme and thereby gain financially. Each of the second set of contributor is expected to generate further sets of contributors likewise and gain money. It is financially impossible for such a chain to work endlessly with profit to everybody concerned.
All such schemes finally get broken at some stage, resulting in financial benefit to a few who had joined at the beginning of the scheme and financial loss to a very large number of contributors who had joined the scheme at a later stage. Such schemes mostly work to the detriment of middle class people and innocent students, who invariably look for some short-cut or the other for augmenting their income. Thus the gullible public would have just fallen for the scheme without understanding its non-workability.
In this case further investigation is on.
Alert: Thus the public is once again requested not to fall prey to such Direct Marketing, Multi-level Marketing, Network Marketing, Referral Marketing, Sponsor Marketing, Chain Marketing etc. Such schemes are prohibited under the provisions of the Prize Chits and Money Circulation Schemes (Banning) Act, 1978.
(taken from www.corporatefraudswatch.blogspot.com)

eBIZ.com: Another MLM fraud on cards?
-------------------------------------

WHEN HUNDREDS of eBIZ.com Pvt Ltd’s “business associates” and invitees listened to their “leaders” speak about their journey from “scooter to Mercedes Benz” and “small room to bungalow” at Parade Grounds Sunday evening, they dod not know the Noida-based firm’s membership and commission scheme could be running against the law.

This firm claims to offer computer literacy, but after attending its private meeting in a city hotel yesterday and talking to several of its members, what this undercover HT reporter discovered is that it exhorts its members to make more members by offering allurements under several garbs, the same modus operandi earlier followed by several multi-level marketing (MLM) firms, now shut after legal crackdown.

The eBIZ.com’s procedure, which seems to believe more in personal contacts than big publicity, is simple. Pay Rs 7,163 and get online computer education. Make three more members and get Rs 2,000, form an “orbit” of 50 members and earn Rs 26,000 and the process goes on with commission decreasing. It follows the typical pyramid structure of membership, as followed by most illegal MLM firms, like Cossets, in the past.

The company also offers freebies like computer, motorcycle and car on making 200, 250 or 400 members, respectively, in 90 days. The scheme clearly violates the Prize, Chits and Money Circulation Schemes Banning Act, which bans “money circulation for making of quick or easy money… or applicable to the enrolment of members into the scheme”.

A senior UT Police official, who has investigated into several MLM frauds, says it is clearly illegal as it involves “easy money, membership enrolment and pyramid structure”.

Amritpal Singh Sodhi, who claims to have made about 55,000 members for eBIZ.com, which runs its website by the name of www.ebizel.com, told members and their invitees in the hotel yesterday. “When I joined, I did not have even enough fuel in my scooter and today I drive a Mercedes-E Class and own four other cars,” the Amritsar-based man and the virtual head of the local operation told a starry-eyed gathering, including poor, small-time traders and unemployed youth. “You’ll earn more than what you can imagine. Don’t delay and become a member even if you have to take money on interest,” he said.

It also needs investigation whether several of its “lakhpati” and “crorepati” members, who paraded before a houseful audience and recalled their struggling past and the turnaround thanks to eBIZ.com, were talking truth or were just trying to lure people? The company also runs another membership scheme with small investment and smaller commission, but it was hardly talked about.

‘BECOME LAKHPATI EASILY’
Be careful when you see this ad

EBIZ.COM PVT Ltd president Pawan Malhan claims that his business formula is different from other MLM firms as he offers a package to the members. “Giving commission may be illegal, but I offer computer education and also free webpage, which will cost higher in the market,” he told HT. But what’s the use of online education, when anybody can take exams with no check? “We run the business on trust. We offer free computers also,” he said. However, the ID and password it gives can be shared with any number of persons. eBIZ.com is strict about the entry of strangers into its business meeting and only associates and invitees are allowed. It claims to have over 66,000 “associates”, mostly in Punjab, Haryana, UP and Delhi, apart from UT, who also place advertisement in newspapers asking people to “Become lakhpati easily”.

http://www.hindustantimes.com/2005/M...2000020000.htm

మరచిపొయావా నేస్తం..??

2008-08-13T10:30:00.000+05:30

మరచిపొయావా నేస్తం..??
మనం చెప్పుకున్న సంగతులు...మనం పంచుకున్న భావాలు...

గురుతు రాలేదా నేస్తం..??
నీవిచ్చిన మాటలు...నే కట్టిన ఆశల కోటలు...

విశాఖ సాగరాన మొదలైన ప్రేమను హుస్సేన్ సాగరానివరకు తీసుకెళ్ళి,
నన్ను దుఃఖ సాగరం లొ ముంచి మరచి వెళ్ళిపొయావా నేస్తం..??

అల్లుకున్న మన చేతుల మధ్య వెల్లడైన ఆ భావాలన్నీ
ఎక్కడ దాచావ్ నేస్తం..??

వోల్వో బస్సులో నా భుజాన వాలి నీవాడిన మాటలన్నీ
ఎలా మర్చిపోయావ్ నేస్తం..??

నీ చేతుల్ని సుతారంగా తాకిన నా పెదవులు నీ పేరునే జపిస్తున్నాయి...
వినిపించట్లేదా నేస్తం..??

నిన్ను చుట్టుముట్టి బంధించిన నా చేతులు నీ కోసమే అర్రులు చాస్తున్నాయి...
కనిపించట్లేదా నేస్తం..??

ప్రశ్న-1

2008-08-12T19:31:00.000+05:30

ika prasanaki vaste
hmmmm puzzle ni telugu lo emantaaru ?

ఇక ప్రశ్నకి వస్తే
పజిల్ ని తెలుగు లో ఏమంటారు ?

ఆటవిడుపు

2008-08-12T19:25:00.000+05:30

ఫ్రెండ్స్ ఇది తెలుగు బ్లాగ్ కాబట్టి తెలుగు కి సంబంధించిన కొన్ని ప్రశ్నలు ఇక్కడ అడుగుతాం సమాధానాలు చెప్పండి ప్రశ్నలు ఏవయినా కావచ్చుసాహిత్యం,పొడుపుకథలు,పురాణాలు.ఇతిహాసాలు,ఎవరు ఎవరినయినా అడగొచ్చు కాని మీ ముందు వల్ల ప్రశ్న కి సమాధానం చెప్పి మాత్రమే

friends idi telugu blog kabatti ikada telugu ki sambandhinchina konni prasanlu adugutaaam samaadhaanalu cheppandi
prasanlu evayinaa kavachhu
saahityam,podupukathalu,puraanalu,ithihaasalu evaru evarinayinaa adagochhu
kaani mee mundu valla prasana ki samaadhanam cheppppi maatrame adagaali ok naaaa
konta mandiki telugu sariggga display avvadam ledu for those people im typing in teniglish :):):)

నేనొక నాస్థికున్ని...

2008-08-12T17:20:00.000+05:30

అవును నేనొక నాస్థికున్ని.నేను ఇలా చెప్పుకోవడానికి ఎంతమాత్రమూ భయపడట్లేదు. నాకు తెలిసినంతవరకు మనిషి అన్నవాడు సైన్సుని లేదా దేవుడిని ఏదో ఒక దానినే నమ్మాలి. ఎందుకంటే ఈ రెండు విషయాలు ఒకదానికొకటి పూర్తీగా విరుధ్ధమైన విషయాలు. దేవుడిని,సైన్సుని రెండింటిని నమ్మేవాడు అందరికంటే పెద్ద మూర్ఖుడంటాను నేను.ఉదాహరణకి మన మాజీ రాష్ట్రపతి అబ్దుల్ కలాం లాంటి వారు.ఇలా చెప్పడం నా పొగరు అనుకుంటే అది మీ పొరపాటంటాను.

నేను ఆరధించే అందరి వ్యక్తులు నాస్థికులు కావడం నాకు ఆనందం కలిగించే విషయం. భగత్ సింగ్, శ్రీ శ్రీ వంటి వారే తాము నాస్థికులమని చెప్పినందుకు ఎన్నో విమర్శలు ఎదుర్కొన్నారు. శ్రీ శ్రీ గారి 'అనంతం' లో ఆయన చెప్పిన విషయాలు కొన్ని తెలుసుకుందాం-

" దేవుడిచుట్టూ మనం ఎన్నో మూఢవిశ్వాసాలను పెంచుకున్నాం. ఆ భ్రమలలోంచి బయటపడలేక పోతున్నాం. మన శక్తిమీద నమ్మకంలేక మన జీవితాలకి పూచీ వహించే మరేదో శక్తి ఉందనుకుంటున్నాం. ఇదే బానిస మనస్తత్వం. దేవుడి విషయంలో ఈ ౠజువులూ,సాక్ష్యాలూ కేవలం నిష్ప్రయోజనం! మానవ మనస్సులో ఒక బలహీనత ఉంది. అది తాను దేన్నయితే నమ్మదలచుకుంటుందో దాన్ని నమ్మేస్తుంది.

క్రీస్తు మంచినీల్లను మద్యం చేశాదనీ, చచ్చిపోయిన వాళ్ళని బతికించాడనీ, క్రుష్ణుడు చిటికెడు వేలిమీద గోవర్ధన పర్వతాన్ని నిలబెట్టాడనీ, ఫలానా బాబాగారో మామ్మగారో మంత్రాలకు చింతకాయలు రాలుస్తారని నమ్మటానికి కావలిసింది ఈ జీవితపు తెలివితేటలు కావు, పూర్వజన్మ సుక్రుతం!

నాకు మాత్రం ఈ పూర్వజన్మల మీదా ఉత్తర జన్మల మీదా అణులేశమూ నమ్మకంలేదు.

దేవుడున్నాడనే నమ్మకాన్ని నిలబెట్టడానికి అనంతమైన అబద్దాలు అవసరం! దేవుడు లేడనే నిజాన్ని నిరూపించడానికి అనంతమైన నా జీవితమే నిదర్శనం." ఇవి మహాకవి శ్రీ శ్రీ కలం నుండి జాలువారిన మాటలు.

భగత్ సింగ్ రచించిన నేనెందుకు నాస్థికున్నయ్యాను అనే పుస్తకం లో ఆయన చెప్పిన విషయాలు అంగీకరించనివారు ఉండరు. జనానికి నానాటికి పెరుగుతున్న మూఢబక్తితో మన రాష్ట్రంలో రోజుకొక దొంగ బాబా పుట్టుకొస్తున్నడు. ఇలాంటివారిని నమ్మి ఇల్లు గుల్ల చేసుకునేవారు మనకి ఏ మూలన వెతికినా దొరుకుతారు.

మరొక టపా ఈ దొంగ బాబాల గురించి కూలంకషంగా చర్చించుకుందాం.

దయచేసి మీ అభిప్రాయాల్ని తెలియచెప్పండి.

మీ శరత్

జాబిల్లి కోసం ఆకాశమల్లే వేచాను నీ రాకకై

2008-08-12T09:47:00.000+05:30

పల్లవి:
జాబిల్లి కోసం ఆకాశమల్లే వేచాను నీ రాకకై
జాబిల్లి కోసం ఆకాశమల్లే వేచాను నీ రాకకై
నిను కానలేక మనసూరుకోకపాడాను నేను పాటనై
జాబిల్లి కోసం ఆకాశమల్లే వేచాను నీ రాకకై
చరణం1:నువ్వక్కడ నేనిక్కడ పాటిక్కడ పలుకక్కడమనసొక్కటి కలిసున్నది ఏనాడైనా
నువ్వక్కడ నేనిక్కడ పాటిక్కడ పలుకక్కడమనసొక్కటి కలిసున్నది ఏనాడైనా
ఈ పువ్వులనే నీ నవ్వులుగా
ఈ చుక్కలనే నీ కన్నులుగా
నును నిగ్గుల ఈ మొగ్గలు నీ బుగ్గలుగా
ఊహల్లొ తేలీ ఉర్రూతలూగిమేఘాలతోటి రాగాల లేఖ నీకంపినాను రావా దేవి
జాబిల్లి కోసం ఆకాశమల్లే వేచాను నీ రాకకై
నిను కానలేక మనసూరుకోకపాడాను నేను పాటనై
జాబిల్లి కోసం ఆకాశమల్లే వేచాను నీ రాకకై
చరణం2:నీ పేరొక జపమైనది నీ ప్రేమొక తపమైనదినీ ధ్యానమె వరమైనది ఎన్నాళ్ళయినా
నీ పేరొక జపమైనది నీ ప్రేమొక తపమైనదినీ ధ్యానమె వరమైనది ఎన్నాళ్ళయినా
ఉండి లేక ఉన్నది నీవే
ఉన్నా కూడా లేనిది నేనే
నా రేపటి అడియాసల రూపం నీవే దూరాన ఉన్నా
నా తోడు నీవే నీ దగ్గరున్నా నీ నీడ నాదే నాదన్నదంతా నీవే నీవే
జాబిల్లి కోసం ఆకాశమల్లే వేచాను నీ రాకకై
నిను కానలేక మనసూరుకోకపాడాను నేను పాటనై
జాబిల్లి కోసం ఆకాశమల్లే వేచాను నీ రాకకైవేచాను నీ రాకకై .......

ఈ-బిజ్ కి మోసపోకండి

2008-08-12T01:09:00.000+05:30

ఈ మధ్య రాష్ట్రం అంతా ఎక్కడ విన్నా ఈ-బిజ్ అనే సంస్థ పేరు ప్రముఖంగా వినిపిస్తోంది.. అందుకే నా మొదటి బ్లాగును రాయడానికి ఈ అంశాన్నే ఎంచుకోవల్సి వచ్చింది.ఈ భోగస్ సంస్థ గురించి వివరాలు తెలుసుకునేముందు నాకు ఈ సంస్థతో తొలి పరిచయం ఎలా అయిందో చెప్తాను..

నేను ఒక నెల రోజుల క్రితం వైజాగ్ లో పార్ట్ టైం జాబ్ కోసం ఎదురు చూస్తున్న రోజులలో హైదరాబాద్ లో వుంటున్న నా స్నేహితుడి దగ్గర నుండి ఫోన్ వచ్చింది. అరే రేపు వైజాగ్ లో పార్ట్ టైం జాబ్స్ కోసం ఒక సెమినార్ అవుతుంది,అక్కడికి వెళ్ళు అని... నేను వాడి దగ్గర నుండి వివరాలు కనుక్కుందామని చాలా ప్రయత్నించి విఫలమయ్యను.. వాడు మాత్రం నాకు ఒక సెల్ నంబరు ఇచ్చి దానికి కాల్ చేయమని చెప్పాడు..ఏదో పార్ట్ టైం జాబ్ అన్నాడు కదా,ఒక రాయి వేస్తే పోలా అని ఆ నంబరు కి కాల్ చెసాను.ఆ నంబరు కలిగిన మహానుభావుడు మాకు కాలేజి లో సీనియర్ అంటా..!!పోనీ వాడి దగ్గరైనా ఆ వివరాలు తెలుసుకుందాం అనుకున్నాను,వాడికి కాల్ చేసి అడిగాను ఇంతకీ ఈ సెమినార్ దేనికి సంభందించినదీ అని... ఆశ్చర్యకరంగా నాకు మా సీనియర్ అయినా కూడా చాలా గౌరవం ఇచ్చి మట్లాడాడు.. వానిని వివరాలు అడిగితే వచ్చిన సమాధానం-"మీరు తిన్నగా సెమినారుకి వచ్చేయండి,అక్కడ మీకు అన్ని వివరాలు చెబుతాం" అని. నాకు అప్పుడే సందేహం వచ్చి అడిగాను, ఇది ఏమైనా మల్టి లెవెల్ మార్కటింగా అని,కాని ఆ మహానుభావుడు నాకు వివరాలు చెప్పకుండా "మీరు సి.యస్.ఈ లో బి.టెక్ చేసారు కాబట్టి మీకు చాల యూజ్ అవుతుంది" అని మాత్రం చెప్పాడు. నాకు అప్పటికే ఈ మల్టి లెవెల్ మార్కటింగ్ మరియు మనీ సర్క్యులేషన్ స్కాముల గురించి తెలిసి వుండటం వలన నేను ఆ మోసపూరిత ఆఫరు నుండి బయటపడగలిగాను. ఇక ఈ ఈ-బిజ్ గురించి చెబుతాను వినండి.

ఈ స్కాం(క్షమించాలి,నేను ఈ పధకన్ని స్కాం అని తప్ప వేరే పేరుతో పిలవలేను) లొ చేరడానికి ముందుగా మనం 7585 రూ. చెల్లించాలి. ఇలా మెంబరుగా చేరినవారికి వారు అందించే సౌకర్యాల జాబితా మీకొసం అందిస్తున్నాను.

1. ప్రతీ మెంబరుకి వారి వెబ్-సైట్ లొకి లాగిన్ అవ్వడానికి ఒక ఐడి ఇవ్వబడుతుంది.

2. ప్రతీ మెంబరుకి 90వేల రూ. విలువ చేసే కంప్యూటరు కోర్సులు (ఆన్-లైన్ కోర్సులు మాత్రమే) ఇవ్వబడతాయి.

3. ఈ కోర్సులు పూర్తి చేసిన విద్యార్ధులు సర్టిఫికేట్స్ కూడా పొందుతారు.

4. ప్రతీ మెంబరుకి 35యం.బి మెమొరీ కల్గిన ఒక వెబ్-సైట్ ఉచితంగా ఇవ్వబడుతుంది.

5. ప్రతీ మెంబరు మరొక మెంబరుని జాయిన్ చేసినట్లు అయితే వారికి 1000 రూ. తిరిగి చెల్లించబడుతుంది.

ఏంటీ ఇన్ని సౌకర్యాలున్న ఈ పధకాన్ని స్కాం అంటున్నానని అనుకుంటున్నారా!!??

పైన చెప్పిన వివరాలు ఎంతవరకు నిజమో ఇప్పుడు చెబుతాను..

1. వెబ్-సైట్ లోకి లాగ్-ఇన్ అవ్వడానికి ఎంతమాత్రమూ ఖర్చు కాదు.

2. ఒక కోర్స్ మెటీరియల్ 90వేలా!!?? మనకి గూగుల్ లో వెతికే ఓపిక వుండాలే గాని మనకి జి.బి ల కొలది మెటీరియల్స్ దొరుకుతాయి. అయినా ఒక సాఫ్టు కాపీకి 90వేలంటే..ఇక మీరే అర్ధం చేసుకోండి.

3. వాడు ఇచ్చే సర్టిఫికేట్లు ఏ సన్ వో , మైక్రోసాఫ్టువో అనుకుంటే తప్పులో కాలేస్తారు.అలాంటి సర్టిఫికేట్లు ఇచ్చే సంస్థలు అమీర్ పేట లో చాలానే వున్నాయి.

4. మనకి డొమైన్ నేములు రిజిస్టరు చేసుకోవలంటే 200రూ. నుండి ప్లాన్స్ వున్నాయి.వాడు ఏంచక్కా 500 యం.బి వరకు ఉచిత మెమొరి ఇస్తాడు.

5. ఇంకా చివరిదీ,ముఖ్యమైనదీ అయిన మనీ సర్క్యులేషన్... ఈ స్కాం లో చేరినవాడు మరో కొత్త మెంబరుని చేర్పిస్తే వాడికి తిరిగి కొంత డబ్బు తిరిగి చెల్లిస్తారంట!!!ఇక ఆన్-లైన్ కోర్సుల గురించి జాయిన్ అయ్యేవాడికి(నిజంగా కోర్సుల గురించి ఏ ఒక్కడూ జాయిన్ కాడని మనం వేరేగా తెలుసుకొవక్కరలేధు) డబ్బు ఎర చూపితే ఇంకెవడైనా ఆ కోర్సుల జోలికి పోతాడా???

ఈ స్కాముల చరిత్ర:

అంటే మనం వూరికే ఆ స్కాం ని నడిపే కొందరికి మన డబ్బుని సమర్పించుకుంటున్నామన్నమాట!!!! దీనినే మనీ సర్క్యులేషన్ స్కాం అని పిలుస్తారు. ఇక ఈ స్కాముల గురించి తెలుసుకుందాం.

మొన్న ఆంవే(అమేరికన్ వే కి సంక్షిప్త రూపం),నిన్న గోల్డ్ క్వెష్ట్ .. నేడు ఈ-బిజ్. మోసపొవడానికి రడీగా జనం ఉన్నంతకాలం మోసం చేయడానికి ఇలాంటి సంస్థలు పుట్టుకొస్తునేవుంటాయి . ఇలాంటి కంపెనీల ఆటకట్టించిన సి.ఐ.డి ఆర్ధిక నేరాల విభాగం ఎస్.పి సజ్జనార్ కి దక్కిన ప్రతిఫలం వరంగల్ జిల్లా ఎస్.పి గా స్థానభ్రంసం. కాని సింహం ఎక్కడున్న సింహమే అన్నట్లు ఈ ఈ-బిజ్ ని కూడా పట్టుకుని తన నిజాయితీని,నిభద్దతని మరోసరి చాటుకున్నరు..

ఈ వ్యాసం మీద మీ విలువైన అభిప్రాయల్ని చెప్పండి.

2008-08-04T23:47:00.000+05:30

2008-08-04T09:53:00.000+05:30

2008-08-04T09:52:00.000+05:30

2008-08-04T09:50:00.000+05:30